粵舫老趙

營業中

休息中

新開元朗打冷餐廳今日呢間係元朗較新開的打冷店，係一間叫陳震夏中學的旁邊。由於剩係得兩個人所以叫嘅嘢食都唔多，個人最欣賞嘅係 啫啫雞煲，味道一流👍🏻完全冇雞嘅雪藏味或者腥味，係一道好好送飯同嘅菜式，鍾意食雞嘅朋友唔好錯過！由於同友人都好鍾意食魚，所以接下來基本上都係魚。而且呢個菜式有少少特別，佢哋係以一個套餐優惠價嘅形式，叫餸食飯，就係大龍躉雙味！如果一大班人食嘅話都可以叫呢一個套餐。金銀蒜鮮竹蒸斑腩，係好香蒜蓉味而且班腩底仲有粉絲同腐竹，充分吸收海鮮精華和鮮味，兩者都好夾而呢兩個配料，又係一到好下飯嘅菜式！ 而第二味係，西蘭花炒班球，班球口口都係肉而且肉質嫩滑，西蘭花都很新鮮！最後一道係 椒鹽雙拼，我哋就揀咗九肚魚同埋鮮魷，亦有其他選擇例如豆腐雞軟骨鴨舌等等，炸出嚟香口酥脆，食落口粉感又唔重，九肚魚嘅肉質亦都好滑炸完都仲可以keep住肉質嘅水份，食落好Juicy！👍🏻叫左2碗白飯，total都係400幾，環境舒服好坐，又有卡位。如果鍾意食大排檔打冷嘅朋友可以試下呢一間。