影片
更多
2008-02-24
31 瀏覽
住了呢區咁耐, 今日終於第一次食-_-", 一行4 人0黎晚飯, 等了15 分鐘先有位, 入到去係戰場一樣, 又迫又嘈, 十足澳洲牛奶公司... 不過無所謂啦, 叫了5 個(食送), 再一人一個燉湯, 整體質素唔錯, 好大排檔風味, 食得滿意又食得飽飽:- 燉湯: 我要了花旗參燉竹絲雞的, 夠晒足料, 飲落甘苦又唔會好油, 唔錯.- 金牌路邊雞半隻: 其實即貴妃雞, 另上兩碗蔥油用0黎蘸... 0係門口見到d 雞吊晒0係度, 已覺得會好得, 食落仲得-- 新鮮雞的味道, 肉極嫩滑(連雞胸都好滑!), 隻雞夠肥, 雞皮下面仲有層透明jelly, 食得過癮! 仲有蔥油, 又係成碗都係油, 不過非常之香, 蘸雞/送飯都一流! 推介!- 花膠海參一品窩: 係sizzling hot 的, 聞落好勁蒜子味, 好香! 入面有花膠, 鮑貝, 海參, 鮑螺片, 冬菇, 蒜子加生菜底... 咁多樣0野以鮑貝同冬菇最好食, 鮑貝極鮮甜, 冬菇好入味, 好得! 蒜子都唔錯, 味道濃烈, 食完個口好臭, 哈哈; 反而主角花膠同海參一般, 好在幾爽.- 椒鹽白飯魚: 炸得好乾身, 不過一般脆; 而且一定
- 燉湯: 我要了花旗參燉竹絲雞的, 夠晒足料, 飲落甘苦又唔會好油, 唔錯.
- 金牌路邊雞半隻: 其實即貴妃雞, 另上兩碗蔥油用0黎蘸... 0係門口見到d 雞吊晒0係度, 已覺得會好得, 食落仲得-- 新鮮雞的味道, 肉極嫩滑(連雞胸都好滑!), 隻雞夠肥, 雞皮下面仲有層透明jelly, 食得過癮! 仲有蔥油, 又係成碗都係油, 不過非常之香, 蘸雞/送飯都一流! 推介!
- 花膠海參一品窩: 係sizzling hot 的, 聞落好勁蒜子味, 好香! 入面有花膠, 鮑貝, 海參, 鮑螺片, 冬菇, 蒜子加生菜底... 咁多樣0野以鮑貝同冬菇最好食, 鮑貝極鮮甜, 冬菇好入味, 好得! 蒜子都唔錯, 味道濃烈, 食完個口好臭, 哈哈; 反而主角花膠同海參一般, 好在幾爽.
- 椒鹽白飯魚: 炸得好乾身, 不過一般脆; 而且一定要蘸0急汁同椒鹽一齊食, 如果唔係完全無味.
- 豉汁帶子蒸豆腐: 賣相唔錯, d 汁幾惹味, 不過整體一般, 豆腐亦老0左d, 有少少0鞋口; 帶子size 比較細, 不過幾鮮味的.
- 一人一碗白飯: 一碗份量係好大, 飯質比較硬, 幾0岩我, 不過亦欠米香, 好在我0地d (食送) 0岩送飯.
環境極迫極嘈, 衛生情況麻麻, 不過預0左, 是但啦; 招呼比想像中好, 雖然伙計們望落好似好燥底, 不過態度算ok, 而且做0野快手快腳又無漏單, 算係咁.
埋單約$100 一個人, 算合理. 總算試0左... 有機會又有位的話, 會再幫襯!
張貼
