長發麵家 (已結業)

久聞石硤尾有間出名嘅魚蛋粉，星期日嚟到鋪頭冇開，只可以坐側邊位，應該係大排檔位，老實講周遭環境真係好麻麻，咁一場嚟到都要食架，於是我就叫左碗魚蛋河粉（$33）試試佢嘅真功夫吧。呢度碗魚蛋粉的的式式，唔係好大碗，好在河粉都幾滑，魚蛋同魚片有魚味，唔腥。呢碗魚蛋粉質素幾高，不過用餐環境就真係好差，食完即走果隻，如果唔介意的話可以去食下嘅。介意的話，我會建議外賣魚蛋返屋企，煮麵時落幾粒，或者做打邊爐配料都唔錯。