影片
更多
2014-04-30
416 瀏覽
我喺尖沙咀附近賣手錶，屬為食一族，可以為左食餐好野好盡，但係寫食評就真係第一次，希望各讀者見諒，不過我真係好想同大家分享美食，希望呢一篇可以成為我寫食評的第一步。好，廢話說完，說回正題，由於我喺尖沙咀返工，所以打工仔黎講喺午市覓食吾算太難，價錢又不算是我的考慮因素，但輪候時間卻是重點，因為我的食飯時間只有一小時。有一間舖叫101肉燥飯專門店，我同我啲同事想試好耐，因為見到佢門口咁多人排隊，想必質素一定不差，而且有朋友試過都話好抵食。 今日我吾理咁多，決定幾多人都要等位試一試。等左差不多二十分鐘，終於有位了，以門口最少有二三十人等位的情況下，我想算快了。 我和同事坐下後，看了餐牌兩三分鐘終於選到吃什麼，因為選擇頗多，而且餐牌製作精美，樣樣都想試下。我選了香茅豬扒肉燥飯同珍珠奶茶。價錢相當便宜，只需38，加3蚊仲要有珍珠奶茶，現今百物騰貴下真的很少見，而且餐廳的裝修格局其實相當不錯的。點餐後五分鐘內肉燥飯和珍珠奶茶已經送到我面前，我心諗，快到咁，熱吾熱架？！ 點知一食落質素相當不錯，豬扒香茅味適中，而且很軟，配上肉燥飯味道很夾。 肉燥的味道很特別，雖然同外面吃到的有點不同，不知道是否地道呢
好，廢話說完，說回正題，由於我喺尖沙咀返工，所以打工仔黎講喺午市覓食吾算太難，價錢又不算是我的考慮因素，但輪候時間卻是重點，因為我的食飯時間只有一小時。
有一間舖叫101肉燥飯專門店，我同我啲同事想試好耐，因為見到佢門口咁多人排隊，想必質素一定不差，而且有朋友試過都話好抵食。 今日我吾理咁多，決定幾多人都要等位試一試。
等左差不多二十分鐘，終於有位了，以門口最少有二三十人等位的情況下，我想算快了。 我和同事坐下後，看了餐牌兩三分鐘終於選到吃什麼，因為選擇頗多，而且餐牌製作精美，樣樣都想試下。
我選了香茅豬扒肉燥飯同珍珠奶茶。價錢相當便宜，只需38，加3蚊仲要有珍珠奶茶，現今百物騰貴下真的很少見，而且餐廳的裝修格局其實相當不錯的。
點餐後五分鐘內肉燥飯和珍珠奶茶已經送到我面前，我心諗，快到咁，熱吾熱架？！ 點知一食落質素相當不錯，豬扒香茅味適中，而且很軟，配上肉燥飯味道很夾。 肉燥的味道很特別，雖然同外面吃到的有點不同，不知道是否地道呢，但是地道與否對我來說並不重要，重要的是食物的質素，不地道的可能還比地道好吃呢。我自己本人就很喜欢這裏肉燥的味道，它會令你不自覺吃上一碗飯呢，女仕們來這裏吃飯要小心了
美中不足的是，肉燥飯會附上鹵水蛋，但鹵水蛋的味道很淡，本人較喜歡濃味的鹵水， 但既然是免費附上，我想我也不能要求太多吧。
珍珠奶茶的茶味很濃，比起很多連鎖的台式飲品專賣店更好飲，珍珠很彈牙，但冰的份量不是太足，我未食完個飯已經差不多沒冰了，幸好味道搭夠。
總括而言，三個字形容，就係平靚正，所以長期咁多人等位是有原因的。 因為排隊的食客多少是不能騙人的， 質素好的餐廳自然有人排隊， 老實講，如果排15分鐘就可以以呢個價錢食到呢種質素，我可能會當左101係我既飯堂。
題外話/補充資料：
睇下幅相就知呢間餐廳真係長期排隊
(以上食評乃用戶個人意見 , 並不代表OpenRice之觀點。)
張貼
