肥公車仔麵 (已結業)

長期都好多人排隊，究竟呢間車仔麵有咩咁特別？今日放假一於黎試下，一如既往都係要排隊既😂舖頭位置唔多，見大部份人都係買外賣，等左唔夠10分鐘都排到了。車仔麵黎講都唔平，每人最低消費每碗$30。一碗叫左幼麵，牛膀、豬紅、腐皮龍蝦條 ($31)，每款餸都好夠！牛膀有成4大舊，豬紅都5，6舊，爽口又入味，好足料估唔到份量會有咁多另一碗叫左冬菇、豬皮、大腸、生腸。大腸處理得好乾淨，完全唔覺得好肥，而且鹵得好入味😍份量同樣係好多，4餸麵超大碗唔似出面每個餸得2，3舊。佢既生腸好多人食！最特別係係無染色，好爽口，不過係無咩味既，加少少辣醬就啱啱好😋