影片
更多
2021-04-18
1612 瀏覽
呢間新派日本餐廳主打壽司、蕎麥麵及日本酒，食材大多係日本直送，菜式仲加入咗不少創意元素，做到傳統及新派口味兼備👍🏻最近試咗佢哋新推出嘅十道菜晚市套餐（$1,480），真係好有驚喜🤩🇯🇵鯛魚酒盗最中餅將鯛魚內臟醃漬半年，配以紫蘇葉、cream cheese及日本常用作甜食嘅最中餅皮，不但口感香脆，味道出奇地夾之餘仲帶鹹鮮味😋非常適合佐酒👍🏻🇯🇵刺身～貝岩手縣米崎蠔係時令生蠔，size都幾大隻，肉質鮮甜爽脆又帶點creamy🤤食一隻真係唔多夠喉😆🇯🇵刺身～魚🐟九州真鯛：加入烏魚子，口感相對提升🐟千葉縣金目鯛：蘸過加入紫蘇花花瓣豉油，食落有獨特香味🐟福岡鰆魚：配青瓜及薑絲一齊食夠清新三款刺身都偏清淡爽身，有淡淡甘甜味，重點係非常新鮮👍🏻🇯🇵鮑魚茶漬飯配香海苔飯係加入櫻花蝦煮成，並以茶味香濃嘅靜岡抹茶粉打成泡泡置於飯面！食前加入鮮鮑片、海苔及芝麻，再淋上鮑魚海鮮湯汁，味道清香鮮甜，滲着淡淡綠茶味，鮮鮑片又嫩又爽口😋另配陣陣柚子香嘅自家製醃漬白蘿蔔，整體好味又有特色，賣相亦精緻😍🇯🇵時令壽司 四貫🍣愛知縣象拔蚌：食落爽口又鮮甜🍣愛媛縣蜜柑鯖魚：聽聞以蜜柑飼料飼養嘅鯖魚會有蜜柑味🤔但食落唔太覺，反
最近試咗佢哋新推出嘅十道菜晚市套餐（$1,480），真係好有驚喜🤩
🇯🇵鯛魚酒盗最中餅
將鯛魚內臟醃漬半年，配以紫蘇葉、cream cheese及日本常用作甜食嘅最中餅皮，不但口感香脆，味道出奇地夾之餘仲帶鹹鮮味😋非常適合佐酒👍🏻
🇯🇵刺身～貝
岩手縣米崎蠔係時令生蠔，size都幾大隻，肉質鮮甜爽脆又帶點creamy🤤食一隻真係唔多夠喉😆
🇯🇵刺身～魚
🐟九州真鯛：加入烏魚子，口感相對提升
🐟千葉縣金目鯛：蘸過加入紫蘇花花瓣豉油，食落有獨特香味
🐟福岡鰆魚：配青瓜及薑絲一齊食夠清新
三款刺身都偏清淡爽身，有淡淡甘甜味，重點係非常新鮮👍🏻
🇯🇵鮑魚茶漬飯配香海苔
飯係加入櫻花蝦煮成，並以茶味香濃嘅靜岡抹茶粉打成泡泡置於飯面！食前加入鮮鮑片、海苔及芝麻，再淋上鮑魚海鮮湯汁，味道清香鮮甜，滲着淡淡綠茶味，鮮鮑片又嫩又爽口😋另配陣陣柚子香嘅自家製醃漬白蘿蔔，整體好味又有特色，賣相亦精緻😍
🇯🇵時令壽司 四貫
🍣愛知縣象拔蚌：食落爽口又鮮甜
🍣愛媛縣蜜柑鯖魚：聽聞以蜜柑飼料飼養嘅鯖魚會有蜜柑味🤔但食落唔太覺，反而鯖魚獨特嘅腥味就無乜👍🏻
🍣右口魚邊：油份較多，用蒜頭汁醃過後香氣更甚
🍣天然吞拿魚腩：中拖羅經熟成2星期後，味道更香濃之餘仲入口即溶，正👍🏻
🇯🇵究極海膽
見到呢款手卷簡直係心心眼😍海膽成排咁鋪係飯面，多得誇張🤩當鮮甜回甘嘅海膽充斥住整個口腔時，滿足感真係難以形容☺️
🇯🇵豪快～和牛粒
和牛粒油脂均勻，肉嫩味濃，配自家風乾嘅廣島蠔乾、cream cheese、最中餅及山椒汁，估唔到味道又幾夾😋特別係廣島蠔乾，蠔味特別濃郁又香脆，無諗過蠔有呢種食法，夠晒獨特👍🏻
🇯🇵藏味噌漬龍蝦配龍蝦蛋黃醬
龍蝦厚肉彈牙，以味噌醃製過，基本上唔洗蘸任何醬汁已夠味，但鍾意濃味嘅亦可蘸以味噌、龍蝦蝦膏及蛋黃醬調配嘅醬汁！另配自家風乾嘅菠蘿、紫蘇葉及水耕菜，以清新沙律菜調和味噌嘅濃味，整體唔錯😋
🇯🇵十割蕎麥麵～冷
呢度嘅蕎麥麵以100%蕎麥粉製成，有別於一般蕎麥麵攙雜其他食材，所以口感特別煙韌彈牙😋而蕎麥麵汁係以蝦仔、魚仔及蟹仔調製，可加入wasabi、蔥及青檸汁一齊食，除咗食到鮮味之餘仲有少少辣，口感幾清爽，必食👍🏻
🇯🇵是日甘味
甜品係以有氣清酒、蝶豆花及檸檬汁製成嘅寒天，酒味唔濃且香，口感Q彈，味道清新帶微酸，漸層顏色賣相好靚，打卡一流❤️
餐廳服務好好，店員都好友善，大廚除咗會為每道菜式作介紹外，又會主動收集客人意見，感受到佢哋對食材嘅講究及重視客人評價，呢餐真係好滿意🥰值得推薦👍🏻
張貼
