魚一壽司 (京都廣場)

營業中

休息中

今日係銅鑼灣成8點半先收工，突然好想食壽司，然後朋友二話不說就帶左我去京都廣場嘅魚一壽司。呢到係我第一次黎，一入到嚟確實又俾佢嘅裝修驚艷到，我覺得佢都用咗唔少心思去裝修，同埋一串串嘅日式燈籠亦都好有feel。睇一睇餐牌，原來嘢食嘅價錢都幾合理，食完之後都覺得所有魚生都好新鮮，喺銅鑼灣以呢個價錢食到其實都幾抵食。首先第一樣嘢叫嘅就係鮟鱇魚乾，完全冇腥味，呢個一定要叫。主菜就要左魚一極尚丼飯同本鮪丼。兩個我地都要左免費加飯，因為最鍾意呢度嘅飯同醋嘅比例好好，食落真係會想食多幾啖飯。其中一個都加配埋麵豉湯同茶碗蒸。呢度嘅面子湯絕對冇馬虎，用咗好多魚去熬製架。石狩鍋配埋隻溫泉蛋一齊食，有暖身作用，呢個魚湯湯底好濃，超級好食，加上仲有好多蔬菜，勁健康。