影片
更多
2023-01-18
1958 瀏覽
一開始減肥嘅時候，每日淨係諗緊點樣可以出街食得健康啲Poke bowl有齊晒優質蛋白碳水同埋脂肪最重要係非常之好食而呢間更加係佢哋喺深水埗之後第二間分店舖頭入邊嘅空間感都幾大另外有呢一個同kol joeie 共同創作嘅壁畫十分之打卡Poke bowl 嘅配搭非常之多除咗有啲固定嘅配搭之外你仲可以好似車仔麵檔咁樣選擇返自己鍾意食嘅餸值得一提係冬天有個期間限定有火鍋揀，啱晒啲冬天唔想食生冷嘢嘅人不過我嗰日九點去嘅時候已經賣晒🥲想食，可能都要早少少去另外有樣嘢幾surprise就係佢哋做埋到會分量望落去都幾大鍾意食poke 又想喺聚餐保持健康嘅朋友仔，都可以考慮吓第一個poke 我哋叫咗吞拿魚，麻醬豆腐，香菇，海帶同埋蛋絲，再配上一個鰹魚汁揀咗沙律底而另外一個就叫咗三文魚，麻醬豆腐，蟹籽，紫洋蔥，一半沙律，一半糙米底，醬汁就揀咗果仁芝麻醬兩碗嘅份量都超級多嚟到嘅時候，無從入手，好似一食就要山泥傾瀉😂食材嘅味道好新鮮配搭唔同嘅配料亦都增加咗口感嘅層次另外三文魚同埋吞拿魚嘅份量亦都相對比較多變相性價比其實都幾高重點係食完之後會超飽完全顛覆咗食沙律麵包嘅概念
一開始減肥嘅時候，每日淨係諗緊點樣可以出街食得健康啲
Poke bowl有齊晒優質蛋白碳水同埋脂肪
最重要係非常之好食
而呢間更加係佢哋喺深水埗之後第二間分店
舖頭入邊嘅空間感都幾大另外有呢一個同kol joeie 共同創作嘅壁畫
十分之打卡
Poke bowl 嘅配搭非常之多
除咗有啲固定嘅配搭之外
你仲可以好似車仔麵檔咁樣選擇返自己鍾意食嘅餸
值得一提係冬天有個期間限定
有火鍋揀，啱晒啲冬天唔想食生冷嘢嘅人
不過我嗰日九點去嘅時候已經賣晒🥲
想食，可能都要早少少去
另外有樣嘢幾surprise就係佢哋做埋到會
分量望落去都幾大
鍾意食poke 又想喺聚餐保持健康嘅朋友仔，都可以考慮吓
第一個poke 我哋叫咗吞拿魚，麻醬豆腐，香菇，海帶同埋蛋絲，再配上一個鰹魚汁
揀咗沙律底
而另外一個就叫咗三文魚，麻醬豆腐，蟹籽，紫洋蔥，一半沙律，一半糙米底，醬汁就揀咗果仁芝麻醬
兩碗嘅份量都超級多
嚟到嘅時候，無從入手，好似一食就要山泥傾瀉😂
食材嘅味道好新鮮
配搭唔同嘅配料亦都增加咗口感嘅層次
另外三文魚同埋吞拿魚嘅份量亦都相對比較多
變相性價比其實都幾高
重點係食完之後會超飽
完全顛覆咗食沙律麵包嘅概念
張貼
