影片
更多
2023-07-08
98 瀏覽
浸日同朋友去粉嶺食晚飯，咁岩見到屋苑有一間新開嘅小店，餐牌都有好多選擇，除咗有米線之外，仲有好多唔同種類嘅小菜，所以就去咗試試，估唔到都有好大驚喜！飲品方面，仲可以點椰奶冰同埋珍珠奶茶！1.金湯酸菜魚米線（加$2可轉烏冬）朋友因為唔食得辣，所以就叫咗走辣！雖然係走辣，但佢個湯底都唔會偏酸同鹹，呢個湯底非常欣賞，麵底仲有好多選擇，可以揀薯粉、米線、烏冬等等。而魚片就切到好薄又無骨，份量適中，入口都好滑同埋肉都好實，好好味。如果多番啲酸菜會更好！2. 惹味辣子雞（配白飯）估唔到一間小店都可以叫到咁好味同夠鑊氣嘅小菜，呢個辣子雞係我最欣賞嘅菜式！首先，辣子雞嘅皮炸得脆而薄，入口係好香口，加上佢用左好多花椒同配菜，好足料，食落有啲辣，好岩配白飯食。3.涼拌雲耳呢個係跟餐加$20，份量都好多，食落口係爽口同埋入味，酸酸辣辣好開胃。4.黃金雞中翼呢個都係大力推介，一碟有4隻雞中翼，4隻嘅size都偏大，兩個人食都好夠。味道方面，雞中翼嘅表皮炸得好香脆同夠哂薄，更重要啲肉都好juicy，所以上菜時都要攤凍一陣間先食！5.泰式鳳爪份量都適中，食到鳳爪都好入味，不過個人覺得味道有少少偏酸。同行朋友就覺得
1.金湯酸菜魚米線（加$2可轉烏冬）
朋友因為唔食得辣，所以就叫咗走辣！雖然係走辣，但佢個湯底都唔會偏酸同鹹，呢個湯底非常欣賞，麵底仲有好多選擇，可以揀薯粉、米線、烏冬等等。
而魚片就切到好薄又無骨，份量適中，入口都好滑同埋肉都好實，好好味。如果多番啲酸菜會更好！
2. 惹味辣子雞（配白飯）
估唔到一間小店都可以叫到咁好味同夠鑊氣嘅小菜，呢個辣子雞係我最欣賞嘅菜式！
首先，辣子雞嘅皮炸得脆而薄，入口係好香口，加上佢用左好多花椒同配菜，好足料，食落有啲辣，好岩配白飯食。
3.涼拌雲耳
呢個係跟餐加$20，份量都好多，食落口係爽口同埋入味，酸酸辣辣好開胃。
4.黃金雞中翼
呢個都係大力推介，一碟有4隻雞中翼，4隻嘅size都偏大，兩個人食都好夠。味道方面，雞中翼嘅表皮炸得好香脆同夠哂薄，更重要啲肉都好juicy，所以上菜時都要攤凍一陣間先食！
5.泰式鳳爪
份量都適中，食到鳳爪都好入味，不過個人覺得味道有少少偏酸。同行朋友就覺得好開胃！😂
6.椰奶太子冰
呢個都大推，夏日炎炎飲呢杯冰就好消暑，加上食辣野就係prefect match，一飲就好解辣。飲落口都好重椰奶味，唔會畀啲冰搞到淡左，好飲！
張貼
