影片
更多
2021-07-25
1273 瀏覽
最近試食左好多五花八門既新餐廳，但係講到最近食物上令我心靈最滿足嘅一餐，非呢間西環三文治小店幸福三文治同埋單品咖啡莫屬☺️☺️。.呢間小店地址喺西營盤一個屋苑平台，舖頭好細得五六張枱，由老闆娘一腳踢負責準備咖啡、三文治同埋即食麵等等嘅輕食。唔好睇舖頭細細，佢哋嘅餐單選項非常之豐富極有誠意。另外小店主打提供單品咖啡，咖啡豆嘅品種地區寫哂係牆，種類多到令人眼花撩亂🤩。.小店應該係做街坊熟客為主，因為似乎每一個客人一入嚟已經知道落單方法，個個自動自覺喺門口拎張紙仔寫低自己想要嘅嘢再交返俾老闆娘，同埋唔少熟客同老闆娘有講有笑。大家臨走前我都有執翻好啲嘢交返去減輕佢工作嘅負擔。老闆娘非常非常之有禮貌，唔該前唔該後，然後幾忙全場爆滿都好重會主動關心下有冇客人要水。加分！.超。幸福三文治 💲60⭐️4.8/5其實我本身想比5分，但係諗諗吓都係留返少少空間🤣。分數係個人感情分，因為我覺得呢份三文治實在好好味同好有誠意。小店三文治可以選擇嘅配料非常之多，我揀咗人氣推介超。幸福版本，包括：芝士、炒蛋、餐肉、青瓜、火腿、海苔🤤再配上特大塊厚身麥包。雖然我睇過相先去，但係都比實物嘅尺寸嚇一跳。老闆娘雖然一腳踢，但係
.
呢間小店地址喺西營盤一個屋苑平台，舖頭好細得五六張枱，由老闆娘一腳踢負責準備咖啡、三文治同埋即食麵等等嘅輕食。唔好睇舖頭細細，佢哋嘅餐單選項非常之豐富極有誠意。另外小店主打提供單品咖啡，咖啡豆嘅品種地區寫哂係牆，種類多到令人眼花撩亂🤩。
.
小店應該係做街坊熟客為主，因為似乎每一個客人一入嚟已經知道落單方法，個個自動自覺喺門口拎張紙仔寫低自己想要嘅嘢再交返俾老闆娘，同埋唔少熟客同老闆娘有講有笑。大家臨走前我都有執翻好啲嘢交返去減輕佢工作嘅負擔。老闆娘非常非常之有禮貌，唔該前唔該後，然後幾忙全場爆滿都好重會主動關心下有冇客人要水。加分！
.
超。幸福三文治 💲60
⭐️4.8/5
其實我本身想比5分，但係諗諗吓都係留返少少空間🤣。分數係個人感情分，因為我覺得呢份三文治實在好好味同好有誠意。小店三文治可以選擇嘅配料非常之多，我揀咗人氣推介超。幸福版本，包括：芝士、炒蛋、餐肉、青瓜、火腿、海苔🤤再配上特大塊厚身麥包。雖然我睇過相先去，但係都比實物嘅尺寸嚇一跳。老闆娘雖然一腳踢，但係睇得出佢好俾心機去準備每一檯每一份三文治。麥包有用牛油煎香，入邊嘅配料全部煎到香噴噴。三文治份量係就算空肚去都絕對足夠兩個人食。我食咗一半就投降，另一半要變成晚餐。
.
單品咖啡：埃塞俄比亞咖啡豆 💲40
⭐️4.5/5
雖然平日飲開奶啡，但係嚟到單品咖啡小店，我其實都會飲黑啡品嚐一下最原始嘅味道。選擇既呢隻咖啡豆應該係基本啦最普通嘅選擇，因為寫咗係是日餐牌嘅第一位，價錢亦都算係最平。對咖啡冇認識冇乜頭緒，叫老闆娘推介我一款唔酸既就可以啦。因為平日飲開奶茶啡嘅關係，我都叫佢俾咗少少奶我溝一溝，但係老闆娘叫我試吓原味先好加奶。結果真係幾好味，咖啡味好香好順滑有回甘。我冇加奶嘅情況之下飲咗一大半，不過為咗唔好浪費咗啲奶所以最後都有加少少。其實加咗奶係香滑啲，但係咖啡味會減低左，原來唔加奶仲好味。我諗我慢慢可以進化到會愛上齋啡☺️。
.
總結：可能我好鍾意呢個老闆娘親切嘅服務態度，同埋佢地雖然係小店得幾張枱，但對餐單、食物出品個種誠意，加上三文治同咖啡確實係好食好飲，所以就算唔打卡我都一定會帶埋朋友再二、三訪。
超。幸福三文治
$60
40 瀏覽
0 讚好
0 留言
超。幸福三文治
$60
38 瀏覽
0 讚好
0 留言
超。幸福三文治
$60
59 瀏覽
0 讚好
0 留言
張貼
