餃掂手工餃子雲吞專門店

營業中

休息中

我同老公都勁鍾意食餃子，旺角放工去左始創中心對面餃子店，聽聞有款松露餃，作為松露控當然要來一試！餃子款式好多，部分口味坊間較少見如松茸餃、壽喜燒餃、元貝餃等。龍鳳松茸雙餃(跟湯) $92黑、白松露豬肉手工餃各4隻，松茸配松露，散發淡淡松露香，餃子皮薄多餡唔肥膩，中西合壁，松露控收貨！湯餃跟 「狀元九鼎湯」，蛇果、生魚、無花果、准山、豬尾骨熬製，好鮮甜、冇落味精，可以補氣健脾、生津抗燥。壽喜燒牛肉煎餃 $58、上海淨麵 $23呢款餡又係好少見，見到即刻想試！煎到金黃脆口，加入壽喜燒牛肉咸咸地相當惹味，一咬爆汁，正！惹味唐芹拌豆荀 $33、回味手拍青瓜 $26點了兩款涼拌小食，辣辣地好惹味，食得濃味想清清味蕾，可以向店員要求自製酸蘿蔔，酸酸甜甜清新開胃。蜂蜜檸檬蒠米水 $28/支裝夏日消暑必飲，有助排毒去水腫，偏甜，應該女仔會較鍾意。