影片
營業時間
今日營業
11:00 - 22:45
星期一至日
11:00 - 22:45
以上資料只供參考, 請與餐廳確認詳情
有關餐廳
我同朋友都好鍾意食餃子，呢間餃子店質素好好， 皮薄餡靚， 已經幫襯過好多次，值得推介。香煎軟心芝土餃 （$69/10隻）呢款係每次黎到都必點，真係太好食。餃子煎至金黃香脆， 芝士保持住軟心既狀態，芝土味濃郁，配上香甜粟米同豬肉，口感味道各方面都好有層次，搭配得好好，明明好邪惡，但食完又唔會覺得太膩。至尊松茸猪肉煎餃 （$86/8隻)餃掂既餡料總係用新鮮既食材，採用左野生既松茸，除左味道更佳， 更主要係可以保持到更加高嘅營養價值。一咬落口，松茸味就充斥成個口腔，配上新鮮既豬肉，既美味又健康。元貝豬肉湯餃（$51/7隻）餃子皮一啲都唔厚重，食落好軟無咩負擔感。 一絲絲既元貝味道好鮮，一啲都唔韌，豬肉既肥瘦好均勻， 一啲都唔肥膩，美中不足係我認為芹菜太搶味。好欣賞佢既狀元九鼎湯底，用料有生魚、蘋果、無花果、豬尾骨等，味道非常非常清甜，唔係坊間既味精湯，好飲又有益。四川涼麵（$31）四川涼皮（$33）天氣實在太熱，好想食啲開胃涼菜， 以為係開胃小菜嘅份量，點知份量係咁多，食完超飽。前者微辣清爽，配上麻醬，開胃解暑；後者晶瑩剔透，咬落爽彈，味道較辣較惹味。自家製山楂雪梨水（$20）材料有山楂片、雪梨、 甘草等，所以唔會死甜，味道清甜偏酸，飲落開胃解膩解暑。蜜餞雞翼（$25/3隻）正正常常嘅蜜糖雞翼， 但唔會太甜， 過下口癮記好。
繼續閱讀
成日都見到呢間餃子店，今晚終於試吓.連平日嘅夜晚 都見到好多人食！見到餐廳啲poster係松茸餃子！我哋都叫咗黎食，我哋要龍鳳松茸餃有黑松露同白松露！非常濃郁嘅松露味！出面餃子店係好少食到！一咬落去就濃濃嘅松露味走出嚟😋松露fans嘅我 覺得好好味！我哋叫咗基本口味：白菜豬肉餃餃子大大隻，餡亦都好多！ 煎都好香口！而且亦都有唔同嘅醬汁可以配搭！另外我哋叫咗重慶鮮肉雲吞一聞到啲湯，就流晒口水🤤食完一啖又一啖,辣既程度唔會太辣！份量亦都好多.我哋再叫咗四川涼皮.餐廳好貼心咁將辣分開，如果唔係食得好辣嘅，可以按照自己嘅程度撈！涼皮食落去都好滑溜😋我哋仲叫咗佢自家整嘅山楂雪梨水，最啱而家乾燥天氣飲😋
繼續閱讀
狀元九鼎湯你食呢一間店就係為咗飲呢碗湯。完全冇味清好似煲嗰啲老火湯咁樣，煲到材料嘅味道出晒嚟，真材實料㗎。裏面有蘋果、魚、無花果、豬尾骨同埋淮山。至尊松茸豬肉餃（8隻）$86餃子係人手包嘅皮薄餡料多。煎餃亦都唔會太油，脆口香口。松茸嘅味道恰到好處，每一啖食落去都好濃郁，但係又唔會蓋過咗豬肉嘅鮮味。日本龍鳳蛋$18煮得非常啱時間嘅流心蛋加埋黑白松露醬勁香口。留心蛋黃嘅濃郁，配埋松露醬獨特嘅芳香，令人停唔到口一個接住一個咁樣食。蜂蜜檸檬薏米水$20依杯檸檬薏米水都飲得出喺餐廳自己煮出嚟，唔會太甜，而且飲品亦煮得出薏米嘅幽香。清清淡淡咁樣配埋煎餃一齊食，感覺balance晒蜂蜜檸檬薏米水
繼續閱讀
果然隔一陣子就想起這裡的餃子今天才發現店店外面的海報印著蔡欄和洪金寶還要是他們比較年少的樣子😆原來餃掂如此有年紀一直以松茸餃子而聞名喜歡吃餃子的你必須要試一試！天氣冷吃湯餃子，配狀元九鼎湯粉葛味香香的龍鳳松茸雙餃，飽滿晶瑩內有分別有黑松露/白松露，特別香是升級享受的豬肉餃子煎餃子皮煎得香脆焦香也是欲罷不能推薦野生松茸素餃即煎出來的香氣是跟湯餃沒有的愛辣的人一定要加他們的四川辣椒油！四川涼麵花生碎和青瓜絲和辣椒油另配麻醬，要多少自己加記得喝一杯自家製的山楂雪梨水酸甜平衡得剛好，生津解膩不得不說，這樣的老店給人感覺老舊？才不是呢！店內環境非常衛生光猛連醬料架也是半點油膩感也沒有說真的我是有被敏感到比不少cafe還乾淨好坐！
繼續閱讀
比起原來近深水埗的舊店，這家位於太子店的服務態度超差劣，虧他們在舊店還掛起什麼格言，最基本的待客之道也不懂…. 怪不得人家選擇北上消費，又一例證香港飲食業衰落….
繼續閱讀