影片
更多
2018-07-08
444 瀏覽
相約好耐冇見嘅女仔朋友，梗係要搵間坐得舒服而且好食嘅cafe啦~其實好少嚟佐敦，不過都唔難搵，一出地鐵行5分鐘就到~一坐低已經俾dessert menu吸引，不過都要先食主食嘅😛😛3個女孩子，先點了一份2人餐，甜品之後再慢慢諗!其實2人餐真係好大份!!絕對夠3個人食!! 首先係2碗磨菇湯，應該係鮮磨菇打出嚟，因為食得出粒粒磨菇粒，唔係好creamy好滑果種，不過幾有咬口同有磨菇香，唔錯~跟住係跟餐的沙律，揀咗煙三文魚沙律~上菜時真係嚇親，仲以為係餐湯碗嘅份量，冇諗過係大portion!! 無論醬汁定沙律菜嘅份量都冇欺場!! 而且係用我最鍾意的日式胡麻汁，好食!😋2款小食，揀咗白酒青口同炸洋蔥圈~青口個碟口太細，完全撈唔勻啲汁，結果食到底先發現有白酒煮嘅汁，如果用返大口嘅兜會好啲Main course~揀了安格斯牛扒~5成熟，剛剛好!肉質軟熟但唔太稔，值得一讚嘅係薯茸都係新鮮薯茸打成，好有薯味～黑松露risotto亦都唔錯，黑松露嘅香氣撲鼻，不過入口就覺得松露味原來有點單薄，飯質剛好，粒粒分明但唔會唔熟其實仲有2杯餐飲，食完真係好飽，不過我哋都係忍唔住點了2個甜品share!首先係Bai
其實好少嚟佐敦，不過都唔難搵，一出地鐵行5分鐘就到~一坐低已經俾dessert menu吸引，不過都要先食主食嘅😛😛3個女孩子，先點了一份2人餐，甜品之後再慢慢諗!
其實2人餐真係好大份!!絕對夠3個人食!!
首先係2碗磨菇湯，應該係鮮磨菇打出嚟，因為食得出粒粒磨菇粒，唔係好creamy好滑果種，不過幾有咬口同有磨菇香，唔錯~
跟住係跟餐的沙律，揀咗煙三文魚沙律~上菜時真係嚇親，仲以為係餐湯碗嘅份量，冇諗過係大portion!! 無論醬汁定沙律菜嘅份量都冇欺場!! 而且係用我最鍾意的日式胡麻汁，好食!😋
2款小食，揀咗白酒青口同炸洋蔥圈~青口個碟口太細，完全撈唔勻啲汁，結果食到底先發現有白酒煮嘅汁，如果用返大口嘅兜會好啲
Main course~揀了安格斯牛扒~5成熟，剛剛好!肉質軟熟但唔太稔，值得一讚嘅係薯茸都係新鮮薯茸打成，好有薯味～
黑松露risotto亦都唔錯，黑松露嘅香氣撲鼻，不過入口就覺得松露味原來有點單薄，飯質剛好，粒粒分明但唔會唔熟
其實仲有2杯餐飲，食完真係好飽，不過我哋都係忍唔住點了2個甜品share!
首先係Bailey's 疏乎厘~又係出乎意料嘅大份🙈
最後係我最愛嘅心太軟~超好食!! 食lava cake切開流心嘅一刻真係好感動~最驚會熟得滯留唔到變咗一舊大brownie!😂😂
不過今次係冇失望的~而rasberry雪葩都好好味，酸酸的中和返朱古力的甜，好match!❤
呢間cafe真係幾好坐，座位都幾闊落，雖然佢話繁忙時間限時90分鐘，但可能因為平日關係，唔算好full，我哋坐咗2個幾鐘都冇趕過我哋走~而且staff嘅態度都唔錯，好有禮貌，真係好難得架!加分!👍
張貼
