影片
更多
2023-05-09
62 瀏覽
一間意外地質素有驚喜嘅泰式小店，會想再翻啅！餐廳菜式貴精不貴多，唔算多選擇，一張紙寫曬，但樣樣都好有水準，品嚐到真正嘅泰國味！建議親身嚟試下，你會感受到小店滿滿嘅誠意🫶🏻• 泰式香煎帶子 $128自家製醬汁以泰國香料同辣椒膏製成，味道酸酸辣辣，配上鮮嫩彈滑嘅帶子，好有特色！• 泰式燒雞 $108/half呢個幾抵食，半隻雞都好大份！雞肉醃得入味，燒得香口乾身，係比較正宗嘅泰國風味，配上泰式酸辣醬同甜辣醬😌• 雞肉鑊氣炒河 $98雞肉炒河是必叫的！如其名炒得好有鑊氣，而且一啲都唔油膩啊！選用咗泰國直送嘅河粉比起平時嘅大塊同闊身，望落都晶瑩剔透啲，質感軟糯煙韌，調味平均裹上每一條河粉，惹味得嚟隱隱約約食到胡椒香，真係好好食，推介😋• 招牌船河 $128湯底濃厚鮮甜，感覺足料無味精，係城中數一數二高質船河！配料有數塊厚厚嘅肉片同豬肉丸～• 飛天炒通菜 $78看似簡單嘅飛天通菜都唔可以睇少，同炒河一樣咁有鑊氣，我最鍾意佢夠辣，刺激過癮🔥• Lao zaab $95以冬陰公為靈感調配而成嘅Cocktail，入口先品嚐到微微嘅鹹味，之後係青檸嘅Fresh，最後喺喉嚨感受到一股辣勁，味道幾有層次感，
餐廳菜式貴精不貴多，唔算多選擇，一張紙寫曬，但樣樣都好有水準，品嚐到真正嘅泰國味！建議親身嚟試下，你會感受到小店滿滿嘅誠意🫶🏻
• 泰式香煎帶子 $128
自家製醬汁以泰國香料同辣椒膏製成，味道酸酸辣辣，配上鮮嫩彈滑嘅帶子，好有特色！
• 泰式燒雞 $108/half
呢個幾抵食，半隻雞都好大份！雞肉醃得入味，燒得香口乾身，係比較正宗嘅泰國風味，配上泰式酸辣醬同甜辣醬😌
• 雞肉鑊氣炒河 $98
雞肉炒河是必叫的！如其名炒得好有鑊氣，而且一啲都唔油膩啊！選用咗泰國直送嘅河粉比起平時嘅大塊同闊身，望落都晶瑩剔透啲，質感軟糯煙韌，調味平均裹上每一條河粉，惹味得嚟隱隱約約食到胡椒香，真係好好食，推介😋
• 招牌船河 $128
湯底濃厚鮮甜，感覺足料無味精，係城中數一數二高質船河！配料有數塊厚厚嘅肉片同豬肉丸～
• 飛天炒通菜 $78
看似簡單嘅飛天通菜都唔可以睇少，同炒河一樣咁有鑊氣，我最鍾意佢夠辣，刺激過癮🔥
• Lao zaab $95
以冬陰公為靈感調配而成嘅Cocktail，入口先品嚐到微微嘅鹹味，之後係青檸嘅Fresh，最後喺喉嚨感受到一股辣勁，味道幾有層次感，絕對可以一戰✨
• 泰式奶茶 $38
具獨特嘅泰式茶葉香氣，甜度適中🥰
• 西瓜沙冰 $48
清涼解渴嘅西瓜沙冰，夏天消暑一流🧡
張貼
