尚興潮州海鮮飯店 (已結業)

早前約了朋友來這裏食晚飯，但水準明顯下降了，真係唔明，難道係大放假？當晚我們叫了炸菜盒、干炸雙棗(蝦和蟹)、蠔仔粥、九肚乳烙、潮州鹵水鵝、豉汁蒸、石溜雞、胡椒豬肚湯和炒薄殼。炸菜盒- 外形幾特別，有點像一隻鮑魚，菜味道唔錯，但和在台北食的相差得遠了。干炸雙棗(蝦和蟹) - 又是送酒一流，可惜當晚無人飲酒。味道都唔錯，但就比較硬了點。蠔仔粥- 朋友說有點臭味，但我們又食唔出，可能係蠔仔唔新鮮吧！九肚乳烙- 煎得唔夠脆，味道還算唔差。潮州鹵水鵝- 今晚最好味的一樣。豉汁蒸- 都幾新鮮，但就多骨了點。石溜雞- 味道唔錯，可以一試。胡椒豬肚湯- 胡椒很濃，我覺得幾好，朋友就唔多喜歡。炒薄殼- 唔新鮮，有臭味，侍應立刻取消了。今次真係有失望，希望下次唔會咁差啦！