影片
更多
2017-01-19
2263 瀏覽
家庭飯局、今晚六個人，打電話冇得book位，要walk in, 一半人以上才可以入座，今晚八點鐘去到，都等左三張枱，20分鐘左右，可能因為做節，講真平時八點鐘元朗10間有8間酒樓都好小人，因為元朗人都比較早食飯，今晚六個人叫左七個餸＋1個招牌馬拉糕，總共八個，食到差唔多10點，我諗平時10點大榮華應該收晒工 😂媽媽鍾意食龍蝦伊面（上湯），一隻中size龍蝦，但伊面太少，六個人每人只有半碗左右，（啱啱上星期又係食龍蝦伊面，不過係另外一間酒樓，啲伊面淋到一Pat漿糊咁），有比較所以覺得今次好食啲。紅棗雲耳炒年齊，有小小雲耳、小小紅棗、5條菜芯打底，之後全部都係菇，我一條菜芯都冇食過。椒鹽鮮魷，真係只有魷魚片，一條魷魚鬚都無呀，d炸粉厚咗小小，味道一般。咸檸檬蒸烏頭魚，爸爸至愛，蒸到啱啱好，但魚入面未放晒血，食落有d血漿在肉內，所以有d肉比較腥，個肚合格，我鍾意食魚肚因為夠滑，但可以再洗乾淨d就好，仲有啲血絲，味道滿意。蟹肉扒豆苗，都幾大碟，少量蟹肉加蛋白花，味道不錯。南乳燒雞，大榮華做雞菜式都唔錯，雞唔係太肥，唔算多油，因為例牌所以得半隻。化皮乳豬件，我哋有六個人，又六件乳豬皮，每人只有一
媽媽鍾意食龍蝦伊面（上湯），一隻中size龍蝦，但伊面太少，六個人每人只有半碗左右，（啱啱上星期又係食龍蝦伊面，不過係另外一間酒樓，啲伊面淋到一Pat漿糊咁），有比較所以覺得今次好食啲。
紅棗雲耳炒年齊，有小小雲耳、小小紅棗、5條菜芯打底，之後全部都係菇，我一條菜芯都冇食過。
椒鹽鮮魷，真係只有魷魚片，一條魷魚鬚都無呀，d炸粉厚咗小小，味道一般。
咸檸檬蒸烏頭魚，爸爸至愛，蒸到啱啱好，但魚入面未放晒血，食落有d血漿在肉內，所以有d肉比較腥，個肚合格，我鍾意食魚肚因為夠滑，但可以再洗乾淨d就好，仲有啲血絲，味道滿意。
蟹肉扒豆苗，都幾大碟，少量蟹肉加蛋白花，味道不錯。
南乳燒雞，大榮華做雞菜式都唔錯，雞唔係太肥，唔算多油，因為例牌所以得半隻。
化皮乳豬件，我哋有六個人，又六件乳豬皮，每人只有一件，不過乳豬皮下都幾肥，同少咗啲乳豬肉，但薦底嗰啲海蜇，鋪滿成個碟，再加個花生底，856元六件乳豬、貴呀，仲要細細件。
奶黃馬拉糕，都keep住有水準，＄85一陣風就入咗肚，同食個一磅蛋糕差唔多價錢。
其實元朗有好多酒樓選擇，價錢又平，又容易搵位，所以我話大時大節先會去嘅洒樓，老爸成日話出面食飯貴，叫親佢去大榮華，佢印象中只有一個貴字，因為佢由＄50元一個小菜，食到而家＄85，所以會牙痛咁嘅聲
紅棗雲耳炒年齊
$85
102 瀏覽
0 讚好
0 留言
蟹肉扒豆苗
$128
136 瀏覽
0 讚好
0 留言
南乳燒雞（半隻）
$85
99 瀏覽
0 讚好
0 留言
椒鹽鮮油
77 瀏覽
0 讚好
0 留言
檸檬蒸芋頭魚
$85
80 瀏覽
0 讚好
0 留言
奶黃馬拉糕
$85
66 瀏覽
0 讚好
0 留言
張貼
