一點心 (通菜街)

營業中

休息中

一點心係一間好神奇嘅餐廳，由佢係對面細鋪果時，我每次經過都好感嘆！有冇咁好食呀！風雨不改，每次經過門口都塞滿晒人，真係每一次！佢門口行櫈永遠坐滿，條路又企滿晒人，雖然攞過米芝蓮，但都太誇張啦！唔止係香港人，仲有好多外籍人士。但我食野係好怕排隊，所以我之前只買過一次外賣，個次嘅感覺，係覺得佢係添好運嘅多選擇版，價錢唔太貴，但味道唔算好出色，所以摘星嘅影響力真係有如鍍咗金身！升價十陪。呢排成日叫外賣，見到佢喎！咁耐冇食，唔洗等位，不如再試下佢啦！今次我覺得好食過之前，味道啱啱好，唔會太咸蘿蔔糕一打開就好香臘腸味，唔太散，啱啱好叉燒包都做得好軟熟，入面叉燒又香其實今次好喜出望外，可能對佢冇咩期望，所以可以食得出客觀嘅感覺，亦可能咁多年來，佢慢慢...慢慢...咁進步左好多，之前日日見佢大排長龍，自自然然想睇下佢有幾巴閉，對佢要求自然提高好多，今日再見！士別三日，刮目相看！如果我再想嗌點心食，佢會有一席位