影片
更多
2023-11-18
10 瀏覽
老實講我唔喺太中意比相機食串燒，因為好多時候都係一兩串一碟，影相根本唔靚。大堆頭充滿成個畫面先至夠震撼架嘛。但係我本身又好中意食串燒，尤其加埋孜然粉嗰啲，惹味辛辣又香口。為左令到我同我既手機都有啖好食，我就揀左呢度。Happy Friday, 除左啤酒係must之外，我放手俾我朋友任叫。佢(定餐廳)冇令我失望，每一樣野都咁好食。 🍖 先由肉類開始，孜然羊肉喺我首選，羊肉大大粒，好夠羊味。牛肉反而細粒d,但都唔會燒得老，保留彈性又唔會乾。牛丸仲係爆汁，每一啖少少咁標出黎。雞翼個名好特別，叫做變態辣雞中翼，以為係地獄辣度，其實我又頂得順喎，大家可以挑戰下。我最鍾意霸王肥腸，條腸燒得乾身，腸入邊嘅肥膏都係加熱嘅過程之中燒走左部份，咁就正中下懷，我其實唔太鍾意太多肥膏嘅感覺，不過神奇嘅地方係，肥膏本身所滲出個陣油份既香味，一啲都冇流失，喺肉類之中我最鍾意嘅一款。 🍖海鮮方面，鮮烤白鱔，肉質嫩滑，外皮焦脆，個皮係一啖咬落去，成塊齒出黎，然後喺個口入面嗦嗦聲。 🍖出奇地叫左好多蔬菜，出奇地全部都好味。粟米串一粒粒咁樣，食得好方便，陰公囉，辛苦哂厨房。冬菇係蔬菜界嘅牛丸，又係多汁好味。有三種好似瀑布
🍖 先由肉類開始，孜然羊肉喺我首選，羊肉大大粒，好夠羊味。牛肉反而細粒d,但都唔會燒得老，保留彈性又唔會乾。牛丸仲係爆汁，每一啖少少咁標出黎。雞翼個名好特別，叫做變態辣雞中翼，以為係地獄辣度，其實我又頂得順喎，大家可以挑戰下。我最鍾意霸王肥腸，條腸燒得乾身，腸入邊嘅肥膏都係加熱嘅過程之中燒走左部份，咁就正中下懷，我其實唔太鍾意太多肥膏嘅感覺，不過神奇嘅地方係，肥膏本身所滲出個陣油份既香味，一啲都冇流失，喺肉類之中我最鍾意嘅一款。
🍖海鮮方面，鮮烤白鱔，肉質嫩滑，外皮焦脆，個皮係一啖咬落去，成塊齒出黎，然後喺個口入面嗦嗦聲。
🍖出奇地叫左好多蔬菜，出奇地全部都好味。粟米串一粒粒咁樣，食得好方便，陰公囉，辛苦哂厨房。冬菇係蔬菜界嘅牛丸，又係多汁好味。有三種好似瀑布咁目不叚給嘅蔬菜，包括燒韭菜，千張金菇卷，同埋蒜心。影相視角效果好震撼，而且燒得好好，一啲都唔寡。但係我最中意嘅一定係燒茄子，佢係果種一絲絲一點點燒毀憶記既感覺，明明好大隻，少少少少咁食，三爬兩撥就無曬。最後當然要介紹下全世界都識嘅大樹菠蘿啦。我搞下gag啫，係大樹燒烤嘅菠蘿。但講真真係好juicy又夠甜。
🍺✨️燒烤雖然熱氣，但最後加個冰粉，同鴨屎香檸檬茶，就去哂火啦。
叫左咁多樣野，放係同一個盤上面，下面又有火温住，我同相機都好滿意。
張貼
