影片
更多
2023-04-08
2695 瀏覽
星期一同朋友去食semi buffet lunch。坐低有兩杯暖水，一個暖麵包籃連埋牛油同香草醬。職員眼明手快，收碟同加水唔駛出聲就做咗。餐廳地方細細，但全部梳化位都好好坐。 餐湯有3款，同朋友每樣一款試下，仲有一款中湯可以選擇。雞肉忌廉湯重奶味，偏咸。蕃茄湯偏酸，好開胃。 好多沙律同配菜選擇，每樣食一啖都飽。有三文魚同吞拿魚刺身，新鮮肥美，但壽司就麻麻地。生蠔refill得好快。雖然唔係好大隻但係都好新鮮。啲蝦好彈牙好鮮甜，忍唔住食咗好多隻。 主菜好大碟 ，食唔曬。三文魚煎得香脆唔鞋口，薯蓉超幼滑，大推。相比豬扒比較乾身，配菜唔夠味，比較失色。 甜品誠意十足，同樣大大件，擺盤又靚。車厘子撻入面足料，加埋朱古力忌廉十分夾，唔會太甜。椰子芒果芝士蛋糕，唔多食到椰子味，但芒果味唔會太假係加分位，同樣唔會太甜。雖然好飽但都忍唔住要食曬佢。 要咗熱咖啡，呢個好失望，好苦，有燶味。雖然唔識品評咖啡，但飲咗一啖飲唔落去。 總結：食物質素同服務絕對對得住呢個價錢，但咁貴嘅午餐耐唔耐食一次好喇。
坐低有兩杯暖水，一個暖麵包籃連埋牛油同香草醬。
職員眼明手快，收碟同加水唔駛出聲就做咗。
餐廳地方細細，但全部梳化位都好好坐。
餐湯有3款，同朋友每樣一款試下，仲有一款中湯可以選擇。
雞肉忌廉湯重奶味，偏咸。
蕃茄湯偏酸，好開胃。
好多沙律同配菜選擇，每樣食一啖都飽。
有三文魚同吞拿魚刺身，新鮮肥美，但壽司就麻麻地。
生蠔refill得好快。雖然唔係好大隻但係都好新鮮。
啲蝦好彈牙好鮮甜，忍唔住食咗好多隻。
主菜好大碟 ，食唔曬。
三文魚煎得香脆唔鞋口，薯蓉超幼滑，大推。
相比豬扒比較乾身，配菜唔夠味，比較失色。
甜品誠意十足，同樣大大件，擺盤又靚。
車厘子撻入面足料，加埋朱古力忌廉十分夾，唔會太甜。
椰子芒果芝士蛋糕，唔多食到椰子味，但芒果味唔會太假係加分位，同樣唔會太甜。雖然好飽但都忍唔住要食曬佢。
要咗熱咖啡，呢個好失望，好苦，有燶味。雖然唔識品評咖啡，但飲咗一啖飲唔落去。
總結：食物質素同服務絕對對得住呢個價錢，但咁貴嘅午餐耐唔耐食一次好喇。
張貼
