影片
更多
2024-08-06
186 瀏覽
記得第一次去食牛大人簡直驚為天人，無論湯底、配料同埋熟食，仲有飲品同甜品，選擇花多眼亂，最重要係質素都好好，啖啖都好好味，呢排見到佢有同 Dreyer‘s 合作，晚市可以任食 Dreyer's，見到有我最鍾意食嘅開心果味呀 😍 二話不說嗱嗱聲訂位同老公一齊去食 🤤今次湯底揀咗牛大人紅燒牛骨湯，屬於微辣嘅口味，對於唔食得辣嘅我，我嚟講剛剛好，湯底嘅牛味超級香濃，我覺得用佢嚟淥牛肉，唔使點醬都好鮮味 😋每位送咗兩粒 M5 和牛牛丸，啲粒牛丸真係牛香極濃，咬落口係爆汁嘅，超正 👍🏻 無限 encore 嘅封門柳，又香又滑，就算唔小心淥耐咗都唔會嚡口 😍 仲有 SRF 黑牛、M5 牛肩卷、同埋牛小排，全部都好新鮮，一食落去係鮮甜嗰種驚喜，好耐都未試過打一次邊爐叫咁多牛肉啦 😂 豬肉就推豬雪花肉片，好似豬頸肉咁，又香、口感又好 👍🏻海鮮仲有沙白蝦同埋台灣鯛魚、蝦滑同墨魚滑，再加埋出邊自助區可以拎到嘅蔬菜同埋丸類，特別推介麻吉燒，有芝麻同埋花生味，錄完之後煙煙韌韌，啲餡流晒心咁，成餐真係勁豐富，兩個鐘頭食到飽飽 🤤除咗火鍋之外，仲有好多熟食，出邊可以拎到香濃嘅滷牛肉飯；仲可以叫鹽酥雞、夜市香腸，皮
今次湯底揀咗牛大人紅燒牛骨湯，屬於微辣嘅口味，對於唔食得辣嘅我，我嚟講剛剛好，湯底嘅牛味超級香濃，我覺得用佢嚟淥牛肉，唔使點醬都好鮮味 😋
每位送咗兩粒 M5 和牛牛丸，啲粒牛丸真係牛香極濃，咬落口係爆汁嘅，超正 👍🏻 無限 encore 嘅封門柳，又香又滑，就算唔小心淥耐咗都唔會嚡口 😍 仲有 SRF 黑牛、M5 牛肩卷、同埋牛小排，全部都好新鮮，一食落去係鮮甜嗰種驚喜，好耐都未試過打一次邊爐叫咁多牛肉啦 😂 豬肉就推豬雪花肉片，好似豬頸肉咁，又香、口感又好 👍🏻
海鮮仲有沙白蝦同埋台灣鯛魚、蝦滑同墨魚滑，再加埋出邊自助區可以拎到嘅蔬菜同埋丸類，特別推介麻吉燒，有芝麻同埋花生味，錄完之後煙煙韌韌，啲餡流晒心咁，成餐真係勁豐富，兩個鐘頭食到飽飽 🤤
除咗火鍋之外，仲有好多熟食，出邊可以拎到香濃嘅滷牛肉飯；仲可以叫鹽酥雞、夜市香腸，皮蛋豆腐，同埋梅香脆薯、雲耳，完全食到好忙 🙈
飲品嘅選擇都好多，我就主攻咗佢哋嘅冷泡茶，而家用個牛大人杯仔裝住勁得意，飲咗桂花烏龍同白桃烏龍，好清香，勁適合配火鍋飲 🙌🏻 老公就飲咗鴨屎香檸檬茶，睇到粒粒檸檬喺入邊，勁 fresh，仲要夠茶香，唔錯 👍🏻
甜品一定係食可以任食嘅 Dreyer‘s！開心果同榛子味，好滿足呀 😍 另外亦都可以叫仙草，佢配料有紅豆、花生同埋珍珠等等，又唔會好甜，簡直係一個完美嘅 closing 😋大滿足台式火鍋吃到飽
張貼
