牛大人台灣火鍋吃到飽 (加拿芬廣場)

營業中

休息中

間唔中都會過嚟牛大人打邊邊🥘，鍾意佢好多台式飲品同小食，最重要係有個素食湯底🥬。今次啱啱好7個人有兩個鍋，如果得6人要共用一個鍋都幾唔方便。叫咗個台中蒜頭雞（重蒜🧄）& 牛大人紅燒牛骨鍋（好香牛骨味🦴)，兩個湯頭都晤算好鹹。我哋叫咗中價位嗰個餐（USA特級安格斯🇺🇸 ），佢個極級肩里肌& 牛板腱好正，個人認為前者有咬口，後者比較滑，碟碟得好新鮮好美味。當然不能錯過台灣直送嘅鯛魚片、豐原排骨酥，屏東水蓮菜、手工大黑輪，成日去台灣吃火鍋都必食。反而佢個手打旗魚漿、澎湖花枝漿有啲失望，可留肚唔使試。食到咁上下，再叫啲小食（士林鹽酥雞、真豬小香腸、第二市場真滷牛肉飯），真係好似去咗轉台灣咁。🇹🇼雪櫃喺你才算太新鮮，啲肉丸都解晒凍，唔會硬冰冰，但好似冇之前咁多選擇。🤷🏾‍♂️飲品甜品雪糕🍨佢提供好多台灣飲品選擇，亦都有茶同酸梅烏梅汁🍹。每個人都有一份甜品🍮 一係Häagen-Dazs雪糕一係仙草凍。食個仙草凍結尾，一啖有哂紅豆、珍珠、椰果條同埋仙草， 十分滿足。餐廳氛圍有啲分店啲座位好窄，依家空間感好足，佢個抽氣做得幾好，打完邊邊啲衫唔會一大浸味。