影片
更多
2022-11-27
111 瀏覽
大滿足慶祝之選，推薦聖誕麵包樹～～～又到聖誕～又到聖誕～最近見咗好多餐廳都出咗聖誕餐，近近地屋企附近嘅呢一間PizzaExpress就係其中之一，即刻帶屋企人黎試下。～～～佢哋嘅Christmas special選擇頗多，有湯、前菜、沙律、配菜、主菜同甜品等等。仲有送酒嘅四人套餐，幾抵玩。今次黎就叫咗個麵包球聖誕樹同埋焗粟米嚟試下，仲有其他恆常Menu嘅餐點。～～～佢哋嘅🍕海鮮薄餅好足料，裏面有蝦肉、蜆肉、八爪魚、水牛芝士、酸豆、橄欖、紅洋蔥、蕃茄等等，醬料方面就加入咗海鮮蕃茄醬同埋銀魚柳醬，入口酸酸甜甜口感豐富，而且佢哋嘅餅底好乾爽薄脆，食完都唔會覺得太飽膩，好高質，雖然唔係聖誕special，但都比人有節日慶祝嘅感覺。～～～意粉方面，佢哋嘅🦀蟹肉白酒汁意粉亦都非常不錯，滿滿嘅蟹肉、蒜蓉油、辣椒碎白酒加上小小嘅檸檬汁同埋檸檬角，調味同樣係清新開胃，而且帶少少惹味香辣，意粉則軟硬度煮得恰到好處。～～～最後就嚟到今晚嘅重點，佢哋嘅聖誕節special，簡簡單單嘅🌽焗粟米，卻是意想不到地出色，濃濃嘅牛油香氣表面灑上少許香草🌿作為點綴，一片亮黃中有少許綠色，味道新鮮而且健康。～～～要說全晚最
～～～
又到聖誕～又到聖誕～最近見咗好多餐廳都出咗聖誕餐，近近地屋企附近嘅呢一間PizzaExpress就係其中之一，即刻帶屋企人黎試下。
～～～
佢哋嘅Christmas special選擇頗多，有湯、前菜、沙律、配菜、主菜同甜品等等。仲有送酒嘅四人套餐，幾抵玩。今次黎就叫咗個麵包球聖誕樹同埋焗粟米嚟試下，仲有其他恆常Menu嘅餐點。
～～～
佢哋嘅🍕海鮮薄餅好足料，裏面有蝦肉、蜆肉、八爪魚、水牛芝士、酸豆、橄欖、紅洋蔥、蕃茄等等，醬料方面就加入咗海鮮蕃茄醬同埋銀魚柳醬，入口酸酸甜甜口感豐富，而且佢哋嘅餅底好乾爽薄脆，食完都唔會覺得太飽膩，好高質，雖然唔係聖誕special，但都比人有節日慶祝嘅感覺。
～～～
意粉方面，佢哋嘅🦀蟹肉白酒汁意粉亦都非常不錯，滿滿嘅蟹肉、蒜蓉油、辣椒碎白酒加上小小嘅檸檬汁同埋檸檬角，調味同樣係清新開胃，而且帶少少惹味香辣，意粉則軟硬度煮得恰到好處。
～～～
最後就嚟到今晚嘅重點，佢哋嘅聖誕節special，簡簡單單嘅🌽焗粟米，卻是意想不到地出色，濃濃嘅牛油香氣表面灑上少許香草🌿作為點綴，一片亮黃中有少許綠色，味道新鮮而且健康。
～～～
要說全晚最鍾意嘅就非佢哋嘅麵包球🎄聖誕樹莫屬，可愛嘅聖誕樹造型非常iGable，香香脆脆嘅外層，表面灑上🌶️辣肉腸同大量嘅🧀巴馬臣芝士及馬蘇里拉芝士，另外仲有配上羅勒香草醬同埋蕃茄香草醬，味道非常多元化，食多幾啖都唔覺得悶，怕膩仲可以加埋頂部嘅火箭菜一齊食，無咩可以挑剔，而且芝士比得好大方，啖啖拉芝，必叫之選。
～～～
PizzaExpress
中環威靈頓街97號地舖
張貼
