影片
更多
2018-03-26
238 瀏覽
今日約咗朋友出旺角搵好嘢食，今晚大家都放假，所以就想吃放題，而旺角出名最多就係放題㗎啦，於是行行吓就嚟到創興中心，搵搵有邊間野啱食。最後我哋就揀咗韓舍，上到去嘅時候，雖然係lunch時間，但係人都非常之多，好就好在呢度環境非常之大，座位非常之闊落，同三五知己，或者同男女朋友一齊嚟，都係唔錯嘅選擇。坐低之後，我哋就急不及待去拎嘢食。呢度食物選擇非常多，除咗有生嘅食物之外，都有好多熟食，而且有湯啦，有粥啦，甜品等等應有盡有。而且甜品嘅種類都分好多，除咗有蛋糕之外，仲有啫喱，仲有一部棉花糖機，同埋朱古力瀑布。配套十分足夠。而且仲有我最愛嘅雪糕可以拎，而且價錢方面呢一度都唔算非常之貴，所以間唔中同朋友嚟食下放題，呢一度都幾正㗎。熟食方面，呢度有咖喱豬扒，福建炒飯等等，熟食質素都唔差，方便一啲唔想燒嘢食，但一坐低就好肚餓嘅朋友，就可以叫呢啲。當然所有嘅服務都係自助啦，生嘅食物方面，佢嘅肉類選擇都非常多，除咗有香辣雞翼，原味雞翼，之外仲有雞柳，雞腎，同埋唔同嘅牛扒，豬扒之類，鍾意食肉嘅朋友，可以試吓呢一間餐廳。因為唔同其他一般嘅放題，其他放題嘅食肆可能就會比較多菜，但係呢度嘅食物選擇相對來講就會比
呢度食物選擇非常多，除咗有生嘅食物之外，都有好多熟食，而且有湯啦，有粥啦，甜品等等應有盡有。而且甜品嘅種類都分好多，除咗有蛋糕之外，仲有啫喱，仲有一部棉花糖機，同埋朱古力瀑布。配套十分足夠。而且仲有我最愛嘅雪糕可以拎，而且價錢方面呢一度都唔算非常之貴，所以間唔中同朋友嚟食下放題，呢一度都幾正㗎。
熟食方面，呢度有咖喱豬扒，福建炒飯等等，熟食質素都唔差，方便一啲唔想燒嘢食，但一坐低就好肚餓嘅朋友，就可以叫呢啲。當然所有嘅服務都係自助啦，生嘅食物方面，佢嘅肉類選擇都非常多，除咗有香辣雞翼，原味雞翼，之外仲有雞柳，雞腎，同埋唔同嘅牛扒，豬扒之類，鍾意食肉嘅朋友，可以試吓呢一間餐廳。因為唔同其他一般嘅放題，其他放題嘅食肆可能就會比較多菜，但係呢度嘅食物選擇相對來講就會比較多。
而小食方面，呢度仲有麥樂雞，同埋薯條，除此之外，仲有沙律，沙律野種類都可以自己配搭，有粟米有中華沙律等等。最初以為呢到人相對來講比較多，服務質素相對冇咁好啦，但係又出乎我哋意料之外，侍應服務都不錯，因為燒燒下嘢食嘅時候忽然間，可能我哋個鐵板落得油唔太多，所以有少少燶咗，侍應見到咁嘅情況就即刻同我地換過塊新嘅鐵板。咁我哋可以安心地燒嘢食。飲品方面都係全自助嘅，除咗有汽水之外，仲有啲熱嘅飲品，例如阿華田嗰啲。呢度下次可以值得再黎，同一班三五知己聚會嘅時候可以再嚟試多啲不同嘅嘢食。
張貼
