丸十あぶり牧場 (已結業)

前幾日同女友行完花市，跟住順便去埋新世紀買波鞋（大出血！），唔差在食得好少少啦！女友想食壽司，我就想食燒肉！丸十牧場絕對滿足到我哋2個胃口！因為佢又有壽司，又可以自己燒肉！我哋叫咗玉子、壽司盛、燒肉定食，重叫咗d日本酒飲，今日真係大滿足！我哋都估唔到佢d壽司又幾高質同新鮮，連我平時唔係好食生野嘅都一食再食！至於碟燒肉就更驚喜！每款牛嘅肉質都唔同，而且d雪花重好靚！我女友就鍾意食和牛，因為入口即溶，我就鍾意食牛板腱，因為無咁油膩！丸十食物嘅價錢雖然唔算太平，但食物質素真係幾好，一分錢一分貨！新年咁開心，間唔中食吓d好嘢都係必須的！