Woods (已結業)

收工同朋友周圍行兼搵食, 朋友想食西餐，經過亞皆老街見到*wood*幾吸引，一於入去試下先🙌🏻餐廳環境同餐廳名好配合，所有裝飾擺設都係木製，餐廳中間有顆小型樹配搭，風格別具特色！朋友叫了朱古力奶昔，奶昔賣相精緻，杯既周邊用彩色朱古力碎碎點綴，朱古力味極香濃，奶昔唔會過份甜，好飲到朋友一口起已飲大半杯🙄我就飲熱玫瑰花茶，店鋪用上特別又好玩既器皿盛載🙈，放入大量玫瑰花，茶味夠哂香濃，食完野去膩一流。食物方面叫左個香辣四川雞pizza,朋友話想試呢個，但我聽落以為唔多襯，點知黎到唔只賣相吸引，味道仲好惹味！pizza 夠哂香脆薄身，配料豐富，配合微微四川既辣同埋芝士香，令我同朋友食唔停。美國肉眼牛扒，賣相一流，睇得出好用心機配搭，最重要係店方已經為我地切好再上枱👍🏻岩哂我呢個懶人🙈，5成熟岩岩好，入面帶有血色，牛扒富有肉汁，牛味好香濃，加上新鮮既配菜，亦令我地食得滋味非常。最後當然都要食甜品作結，甜品拼盤岩哂我呢d選擇困難證既人，又好睇又好食，朱古力心太軟好流心，皮夠薄朱古力味夠香濃嫩滑，蘋果金寶酸酸甜甜配合雪糕食正👍🏻雜果窩夫外皮香脆，水果新鮮，有呢知甜品拼盤作結簡直大滿足！