影片
更多
2023-09-21
617 瀏覽
燒肉一向都係香港人嘅至愛，無論係港式、韓式或日式燒肉都備受歡迎。今日就應友人邀約，嚟銅鑼灣東角道呢間「燒肉 ONE」食個 late lunch。我哋 2pm 後入座，店舖全日不設加一，而下午茶時段到訪，更可享全單半價優惠，非常抵食。餐廳主打一人燒肉，套餐選擇非常豐富，足足有成 12 款，客人可以因應自己嘅愛好及食量自行挑選！我哋揀咗個 E 澳洲安格斯肉眼 同 J 日本鹿兒島豚五花，每個 set 都會包日本新潟縣A+珍珠米飯/生菜、沙律/日本枝豆/麵豉湯 & 甜品。E：澳洲安格斯肉眼套餐 ($278/300g) 肉眼色澤透紅，油脂分佈平均，燒烤後肉質幼細腍滑，入口充滿濃郁牛味又多肉汁，滋味滿溢。J：日本鹿兒島豚五花燒肉套餐 ($168/ 200g) 豚五花肥瘦相間，肉質軟嫩，燒至金黃焦香，再點埋店家推介嘅焙煎蒜茸味燒肉汁食，美味指數 level up。另外仲點咗碟日本A4和牛三角肉 ($108/50g) 同 海鮮三皇 ($108)，三角肉肉質很鬆化，而且「雪花」度甚高，只須略略一燒就已經有豐富油脂，入口即溶。海鮮三皇有扇貝，大虎蝦同甲羅燒，扇貝肥大肉厚、虎蝦爽彈味鮮，而甲羅燒就以
燒肉一向都係香港人嘅至愛，無論係港式、韓式或日式燒肉都備受歡迎。今日就應友人邀約，嚟銅鑼灣東角道呢間「燒肉 ONE」食個 late lunch。
我哋 2pm 後入座，店舖全日不設加一，而下午茶時段到訪，更可享全單半價優惠，非常抵食。
餐廳主打一人燒肉，套餐選擇非常豐富，足足有成 12 款，客人可以因應自己嘅愛好及食量自行挑選！
我哋揀咗個 E 澳洲安格斯肉眼 同 J 日本鹿兒島豚五花，每個 set 都會包日本新潟縣A+珍珠米飯/生菜、沙律/日本枝豆/麵豉湯 & 甜品。
E：澳洲安格斯肉眼套餐 ($278/300g) 肉眼色澤透紅，油脂分佈平均，燒烤後肉質幼細腍滑，入口充滿濃郁牛味又多肉汁，滋味滿溢。
J：日本鹿兒島豚五花燒肉套餐 ($168/ 200g) 豚五花肥瘦相間，肉質軟嫩，燒至金黃焦香，再點埋店家推介嘅焙煎蒜茸味燒肉汁食，美味指數 level up。
另外仲點咗碟日本A4和牛三角肉 ($108/50g) 同 海鮮三皇 ($108)，三角肉肉質很鬆化，而且「雪花」度甚高，只須略略一燒就已經有豐富油脂，入口即溶。
海鮮三皇有扇貝，大虎蝦同甲羅燒，扇貝肥大肉厚、虎蝦爽彈味鮮，而甲羅燒就以蟹膏、蟹肉為主調，蟹膏鮮味濃郁，加上絲絲蟹肉，絕對係必食之選。
跟餐有日本泡芙 ，咬下非常鬆軟又有蛋香；另外仲點咗 2 杯 Häagen-Dazs 雪糕，大滿足。
張貼
