茶茶台式料理 (已結業)

早排同朋友去咗旺角食茶茶台式料理，覺得佢CP值都幾高！一人唔使百零蚊就食到勁飽同埋都幾好食！我哋叫咗個招牌茶茶麻辣鍋，個麻辣鍋入邊有好多料。而且個湯底似足喺台灣食嘅口味，仲可以自己揀辣度。今日叫咗個鐘啦我同朋友都覺得接受到唔會話10分辣。另一個主食我哋就叫咗個鹽酥雞扒滷肉飯，個鹽酥雞扒真係要大贊。炸得好鬆軟，而且仲保留到雞扒啲肉汁。配埋個滷肉飯食好送飯，而且份量仲好多。搞到我哋食到勁飽😂除咗主食我哋仲叫咗兩款小食，分別係涼拌青瓜同埋麻辣鵝腸。個小青瓜好refreshing，上面有啲蒜蓉撈埋一齊食啱啱好。 而麻甩鵝腸就係我本人嘅最愛，餐廳處理得都唔錯都合格嘅👍但係令我最驚喜嘅就係我搵到以前去台灣旅行飲過嘅兩款啤酒，今日我叫咗個荔枝酸啤酒同埋桂圓黑啤！呢度嘅啤酒係由台灣直送而且價錢都係$48唔係話好貴。台式啤酒簡直係為呢一餐台式料理既一個亮點啊！