七福神和食亭

營業中

休息中

今晚同朋友去睇黃子華棟篤笑之前，約了朋友到七福神和食亭食個早段晚餐，我們6點入坐，說遲時那時快一陣就坐無虛席，所以下次去都要早些訂位或者早些食飯。店內充滿日式設計，枱與枱之間闊落，令人坐得舒服。海膽魚籽丼海膽同魚籽份量好多，可以舖滿飯面，大滿足丫。海膽新鮮，入口即溶，非常鮮甜。魚籽粒粒都卜卜脆，魚油豐富，大人細路都鐘意。刺身拼盤刺身拼盤有我至愛的海膽半板，海膽大大片，無得輸，真係要encore再encore。仲有鮮味肥美厚切的三文魚3片，新鮮味濃的甘蝦2隻和透麗新鮮的鱆紅魚3片。嚴選串燒五品盛串燒拼盤熱辣辣，有嫩滑的雞中翼，彈牙脆口的豬頸肉，外脆內軟的雞軟骨，新鮮的小青椒及鮮冬菇，美味。蟹肉味噌甲羅燒蟹膏配上味噌，既啖啖肉又濃滑，配上珍珠飯及紫菜，簡直絶配，滋味。特盛海鰻丼一上枱有少少嚇一跳，海鰻份量好多有五大件而且厚身，我估等於一大條。一啖咬落去魚油豐富，又有口感又滑溜。鰻魚汁味道調配得剛好，簡直如虎添翼。富士蘋果雪葩用上原個富士蘋果作為食物器皿，連器皿都食得，哈哈。蘋果雪葩有濃濃的蘋味，食落好清新，必食。下次來一定要試下店員話今日沒有貨的山型香桃雪葩，應該都好好食。