牛涮鍋もっと (已結業)

今日朋友帶左我去樂富新開的牛涮鍋去食打邊爐放題。一入到去朋友預先訂左位，所以即時就可以入到去了。點餐方面，我哋聽咗店員嘅推介叫咗個美洲牛胸腹放題套餐，另加左任食食海鮮同埋刺身。佢嘅放題套餐即使係刺身，係任叫任食的，有乜需要即管自助落單，快夾妥，抵讚。另外佢出面有自助bar，飲品，甜品，雪糕，蔬菜同前菜任拎任食，值得一提嘅係佢有任食炸物，有非常香口的味道，正！鍋底方面，佢有好多款揀，我地揀左豬骨湯底同埋四川麻辣湯底，一如以往另外一啲分店，佢嘅湯底認真不錯的，味道夠晒香濃之餘又唔覺有味精。肉類方面，呢一個餐配上了美洲牛胸腹，比一般美國肥牛的味道更有口感更有肉味更少肥膏更健康。當然佢其他丹麥豚肉，鮮雞件等都不錯的，味道一樣咁好！海鮮同埋刺身方面佢地都都絕不輸蝕。款款新鮮，味道鮮甜味美，估不到除了普通打邊爐之外，佢既刺身都好好喎，真正一次過滿足到幾個願望！太多好野食唔晒咁多野，下次一定要帶定一大個胃來再大吃一餐！最後我哋仲用咗啲會員積分換左啲紀念品，真正又有得食又有野換，大滿足的一餐。