夏麵館 (寶石大廈) (已結業)

今日喺呢頭交收，搞掂埋D野就食埋飯先番屋企，揀左夏麵館。沙咀道呢間分店都幾大，不過都幾full，琴日來到8點鐘未夠左右，基本上已經9成滿，見隔離位用緊團購卷，可能因為咁掛。我地係梳化位，都闊落，至少我拎住一大帶乾洗都放得落。坐低拿拿臨叫野食，今日超餓，食左個包咋。我見佢都有D多人套餐，不過我地都係想散叫。後來先知原來遲少少(8點半先入座)嘅話，正價野有85折啊，抵好多涼菜、小食、湯羹、新嘅蟹粉系列、小菜、點心、飯麵、煨麵等有齊，呢期仲有做緊北海道大閘蟹優惠。生煎包一份3隻，新鮮熱辣，食落外層軟熟，都幾香。裡頭舊肉就唔係大，勝在仲有肉汁。佢仲有另一款係牛肉生煎包，下次試下會唔會好食D。鮮肉小籠包一籠4隻，最簡單嘅原味，食上海野好難唔點小籠包，呢度新鮮熱辣蒸起，唔會好厚皮，質素都ok嘅，裡面湯汁又香又鮮，收貨干煸四季豆55蚊，送飯實幾惹味。四季豆唔會煮得太腍，唔會太濕笠。呢度嘅四季豆就冇落辣椒嘅，所以一家大細都食到。最後點左個砂鍋雲吞麵，3個人都夠食，超豐富即點即整，都等左一陣。除左半隻雞，仲有好多雲吞小唐菜，當然唔少得都見到有加金華火腿。店員上枱時都有幫我地輕輕切開半隻雞，雞肉都ok嘅，