大同韓燒 (已結業)

為食的我，通常會揀任食，可以食到夠，今次經朋友介紹呢間任食韓燒，都無令我失望，以後又多間可以再食，環境唔錯，感覺舒服，服務員態度都好好，枱面吉碟好快就被清理，不時亦提醒客人出左某食物，可以去取，刺身類雖然只有三文魚一款，但好新鮮，特別有一轉師傅仲比左三文魚腩我地，壽司有多款，特別要推介帶子壽司，師傅用心即時制作，鮮味十足，我地一行四個，都叫左十幾件，韓式前菜全部夠入味, 我就主打酸蘿蔔同酸青瓜，熟食類唔算太多，但味道都可以，燒的肉及蔬菜種類正常，新鮮，乾淨，整齊，當中雞翼，羊扒同豬腸係最正，服務員話豬腸係新鮮豬腸，並唔係雪藏，真係正到無朋友，湯有兩款， 蘿蔔牛骨湯，泡菜蕃茄牛肉湯，都落足料，仲有綠豆沙及幾款甜品，水果，雪糕同雪米糍任食，呢一餐真係大滿足，食到飽，又肥多兩磅啦。