影片
更多
2019-09-19
64 瀏覽
小弟喺觀塘返工，大家可能成日都聽觀塘又幾幾多好嘢食，又多工廈小店，平時一定大飽口福云云。但事實上返工日子又邊得閒慢慢歎好西，lunch通常求祈茶記hea食搞掂sosad 所以呢間位於開聯工業中心嘅Cafe，小弟只係去過鰂魚涌分店，今次都係第一次作客觀塘店。 The Artlab by Favilla，如同其他分店，日式木系、走文青風、掛滿乾花，有四人枱有小吧枱，星期六冇咗平時大群上班族所以幾靜幾舒服。主打健康和洋式料理，望望木刻Menu，樣樣都想食，All Day Breakfast分日式及洋式（好似仲有素食？），分別應該在於前者有鰻魚後者有煙三文魚，小弟唔太好鰻魚就揀後者啦。 一塊木板上桌，黑松露芝士味噌炒蛋夠滑溜，味噌淡淡的，黑松露醬更為突出，配酸種多士自然係perfect；沙律清新、花花煙三文魚肥美味濃，仲有一團帶柚子清香嘅紫薯蓉，口感相當實在，超滿足！ 想嗅米氣就當然揀日式定食，二話不想叫咗明太子釀雞翼定食，小弟向來對釀雞翼呢味嘢情有獨鐘，呢度出品就完全滿足到我，雞翼煎得香口微脆，裡面塞面惹味明太子，大大啖咬落去都咪話唔過癮。定食包埋紫薯球沙律同菌菇湯，飽晒。 Faviila咖
The Artlab by Favilla，如同其他分店，日式木系、走文青風、掛滿乾花，有四人枱有小吧枱，星期六冇咗平時大群上班族所以幾靜幾舒服。主打健康和洋式料理，望望木刻Menu，樣樣都想食，All Day Breakfast分日式及洋式（好似仲有素食？），分別應該在於前者有鰻魚後者有煙三文魚，小弟唔太好鰻魚就揀後者啦。
一塊木板上桌，黑松露芝士味噌炒蛋夠滑溜，味噌淡淡的，黑松露醬更為突出，配酸種多士自然係perfect；沙律清新、花花煙三文魚肥美味濃，仲有一團帶柚子清香嘅紫薯蓉，口感相當實在，超滿足！
想嗅米氣就當然揀日式定食，二話不想叫咗明太子釀雞翼定食，小弟向來對釀雞翼呢味嘢情有獨鐘，呢度出品就完全滿足到我，雞翼煎得香口微脆，裡面塞面惹味明太子，大大啖咬落去都咪話唔過癮。定食包埋紫薯球沙律同菌菇湯，飽晒。
Faviila咖啡一向有保證，熱飲嘅咖啡會用個好似日本居酒屋裝清酒嘅四方木盒一齊上，心心拉花就基本啦，加埋隻靚靚銅色匙羹。74% Dark Chocolate做底嘅熱Mocha，入口順滑， 朱古力同Espresso味道平衡，不錯。
同行朋友唔飲啡，伯爵茶柚子梳打都係唔錯選擇，帶淡淡茶香，梳打清爽，底層柚子醬酸甜清新， 咬開了絲絲柚子皮，比一般柚子梳打層次更豐富。
張貼
