穴 (世貿中心) (已結業)

聽到朋友話請客，我就揀左一間中價嘅日本餐廳。重點係環境係舒服嘅，適合兩個人傾下計慢慢食。有一邊係有師傅切魚生，亦有一邊有人負責燒串燒。食物種類都幾多元化，有刺身、壽司、壽喜燒、串燒、小食......首先，我地當然要試下個刺身御膳，每款刺身至少有兩片，兩個人食就岩岩好！刺身款式都幾豐富，三文魚，吞拿魚，油甘魚，帆立貝，甜蝦.... 中間有個魷魚包住海膽係幾吸引嘅，海膽都新鮮唔腥。仲有幾串點綴嘅海葡萄刺身御膳 $178之後叫左串牛舌，即叫即燒嘅厚切牛舌係唔錯嘅！厚燒牛舌$58出面得十度，天氣咁凍，最想就係食樣熱辣辣嘅煱。叫左一份牛肉壽喜燒追加左烏冬！配菜都唔少，例牌有金菇、菜、豆腐......開始飽飽地，不過照落左個雜菇炒蘆筍。上面有木魚碎，估唔到幾香口。侍應係落單嘅時候都好貼心，話會先上刺身同串燒，之後再上熱食。值得一提係侍應不定時仲會黎添茶。