影片
更多
2024-07-03
2006 瀏覽
每月一次嘅拍拖日～今次去咗彩羽壽司家SUSHI IROHA食omakase，呢個omakase性價比好高，而且有齊好多打卡菜式，連東京七龍珠卷都有，所以真心食得好開心！餐廳供應兩款套餐，分別為「葵」（$480/pp）及「椿」（$880/pp，Openrice訂位有85折），由於後者先有刨冰及多款餐廳招牌，所以就點咗「椿」啦。套餐有前菜2款、日式蒸蛋、刺身4款、串燒5串／和牛壽喜燒、壽司6件、吸物及雪花刨冰，款式好多元化。先送上香脆可口嘅鱈魚片。蘸上蛋黃醬，配酒一流。黑梅貝、北海道白粟米、水蕃茄黑梅貝新鮮爽彈，海水味濃，白粟米香甜多汁，水蕃茄糖度高！非常清新開胃嘅前菜。刺身真蠔新鮮肥美，配搭黑松露酸汁，巧妙地平衡海水味嘅濃重。真鯛肉質細緻彈性，入口甘甜，青檸絲令味道更加清新討喜富士山木三文魚一打開蓋就聞到富士山木嘅煙燻香，肥美嘅三文魚同刁草係最佳拍檔。鮟鱇魚肝泡芙早幾個月喺一間預約困難店嘅omakase食過鮟鱇魚肝泡芙，估唔到呢度都有得食！泡芙內係軟滑creamy嘅鮟鱇魚肝醬，脂香十足，不過外皮就可能擺耐咗，所以就唔夠脆口。日式蒸蛋口感嫩滑，有菇菌、蜆、帶子等，材料豐富。接下來就係壽司環
餐廳供應兩款套餐，分別為「葵」（$480/pp）及「椿」（$880/pp，Openrice訂位有85折），由於後者先有刨冰及多款餐廳招牌，所以就點咗「椿」啦。套餐有前菜2款、日式蒸蛋、刺身4款、串燒5串／和牛壽喜燒、壽司6件、吸物及雪花刨冰，款式好多元化。
先送上香脆可口嘅鱈魚片。蘸上蛋黃醬，配酒一流。
黑梅貝、北海道白粟米、水蕃茄
黑梅貝新鮮爽彈，海水味濃，白粟米香甜多汁，水蕃茄糖度高！非常清新開胃嘅前菜。
刺身
真蠔新鮮肥美，配搭黑松露酸汁，巧妙地平衡海水味嘅濃重。
真鯛肉質細緻彈性，入口甘甜，青檸絲令味道更加清新討喜
富士山木三文魚
一打開蓋就聞到富士山木嘅煙燻香，肥美嘅三文魚同刁草係最佳拍檔。
鮟鱇魚肝泡芙
早幾個月喺一間預約困難店嘅omakase食過鮟鱇魚肝泡芙，估唔到呢度都有得食！泡芙內係軟滑creamy嘅鮟鱇魚肝醬，脂香十足，不過外皮就可能擺耐咗，所以就唔夠脆口。
日式蒸蛋口感嫩滑，有菇菌、蜆、帶子等，材料豐富。
接下來就係壽司環節啦！
帶子
帶子鮮甜厚肉，青檸汁增添一抹清新。
沙甸魚
魚味好濃郁！
昆布海膽
海膽色澤金黃，甜度唔算高，但沒有腥味，鋪上薄薄嘅昆布漬係好有心思嘅配搭，可以提升海膽嘅鮮味。
醬油漬拖羅
拖羅油脂分佈平均，入口即溶。
炭燒竹籤魚
肉質爽甜，略帶嚼勁，越嚼越有魚味。
彩羽太卷（+$250）
一場來到，當然唔可以錯過呢個餐廳名物啦！東京都食過呢個打卡嘅七龍珠卷，而家喺彩羽都搵到啦，不過就變咗六龍珠，哈哈！太卷賣相吸引，脆口嘅紫菜包住醬油漬蛋黃、海膽、拖羅、赤身及青瓜，一啖咬落去味道豐富。食過日版嘅我哋都覺得呢個版本其實同日本差唔多！
壽喜燒 / 串燒
可以揀壽喜燒或串燒，我哋各點一個share食：
和牛壽喜燒
和牛油脂密佈，輕輕一煮，入口即溶。豆腐、冬菇、甘菇、秋葵等蔬菜都好惹味。
串燒拼盤
有大蝦、青椒仔、冬菇、雞翼、豬腩肉。呢度嘅火候控制得恰到好處，唔會燒得太乾。
魚湯
熬至奶白色，味道超級鮮甜
刨冰
甜品好特別，係omakase少見嘅雪花刨冰！
餐廳好重本地購入大型復古風日式刨冰機，用上京都貫目冰，席前即場製作。刨冰質感絲滑細膩，毫無冰感。款式選擇都好多，可以自己挑選喜歡嘅口味。
我揀咗黑糖水信玄餅蕨餅味，上中下層都有黑糖漿，食到底都有味，不過就有D失望只有面頭嘅黃豆粉，如果真係擺幾件蕨餅，就更加滿足啦！老公揀咗水蜜桃味，則配搭新鮮水蜜桃漿，味道天然香甜，面頭仲有creamy嘅奶蓋及新鮮日本白桃肉，個人更加推薦呢款！
整體食物類型好豐富，有多道打卡名物，食得開心又滿足。不過當日就人手不足，師傅一人招呼8人，做到馬不停蹄，變咗互動唔算多，不過都非常體諒！同埋食緊熱食嘅時候，就突然開始壽司環節，感覺都有d趕，如果可以調節返個節奏就更好啦！
PS. 經Openrice 訂位「椿」有85折優惠!
張貼
