千里屋食堂 (已結業)

本文以用餐當日的環境、服務和食物質素為準，口味亦因人而異，文章只作參考之用。-來自大阪的千里屋食堂，係日本約有十間分店。主打和牛牛肉丼，用上鹿兒島A5黑毛和牛，確實高質；不過今次小妹黎呢度反而係想試佢地既壽喜燒牛肉鍋，據說味道相當唔錯啊，甜甜的醬油湯底與牛肉互相配合真的超搭！打開餐牌，剩係日式火鍋都有唔少選擇，有得揀 和牛/黑安格斯牛肉、不同的牛肉部位，仲有黑豚肉可以揀；另外仲有一款湯底比較清的涮牛肉套餐 （第二份半價），以蘸醬為主。牛肉壽喜燒套餐 $380 （第二份半價）套餐已包括韓式涼拌三款、野菜拼盤、生蛋、烏冬、白飯、飲品、甜品、一盤牛肉和豚肉。套餐望落好豐富都幾多野食，最重要個甜醬油湯底真係好濃味！用黎配牛肉一向都覺得係最搭既湯底無誤，能夠完全突出牛肉既味道！所配既鹿兒島和牛，賣相唔算好靚，但食落牛味重肉質幼嫩，味道唔錯，豚肉就不過不失。另外，相信一定有人覺得個湯底太甜喇，個爐一路滾既時候甜醬油湯底會愈黎愈杰，變得比較鹹同甜（重口味）。咁就可以拎係枱上既水壺，加少少水落去，食落會無咁重口味，亦可以自行調節濃淡度，加湯亦都係加返甜醬油湯底，大大加分呢！