影片
更多
2024-11-11
0 瀏覽
通常好少食完即刻出review，除非係好激氣或者勁好食，今日呢個係後者。上次見到隔離枱個年青食客食呢個燒雞餐好似食得好開心，忍唔住問佢好唔好食，佢話「正」。今日諗咗好耐，終於order咗試吓！😊我想影張「全家福」，特登等埋碟雞嚟先至開餐。😂碟上半隻雞雖然冇牆上面餐牌嗰隻望落去咁juicy，但係色澤均勻，雞髀位「漲卜卜」，外觀唔錯。我用餐刀揭起隻雞髀發現有煙湧出嚟，即係話個雞殼仲好熱，如果唔將啲雞胸肉即時離骨，就會overcooked!😅我好快咁將個雞髀同雞翼切開，然後極速起晒啲雞胸同雞背肉。隻雞整得啱啱好，好容易就起晒啲肉！👍🏼👍🏼我仲用把刀喺啲骨罅中間撩埋啲碎肉出嚟。🤣🤣我個人覺得如果一隻雞連雞胸都整得好okay,嗰隻雞就真係好食。今日第一時間試食一件胸肉，仲點咗跟餐嗰個醬汁，okay喎！跟住夾埋啲沙律菜一齊食仲「正」。當我食完個「雞肉沙律」，切咗少少髀試吓，再食多幾條薯條，已經飽晒。😂我唔想做「大嘥鬼」於是將雞髀、雞翼同沙律菜「外帶」返屋企，諗住今晚拆肉整雞肉沙律。😂上個月嚟食嘢已經見到佢哋有推介北海道牛乳布甸，今日有機會試吓。入口第一感覺：超滑，牛奶味好濃但係唔酥，重點：唔係好甜
我想影張「全家福」，特登等埋碟雞嚟先至開餐。😂碟上半隻雞雖然冇牆上面餐牌嗰隻望落去咁juicy，但係色澤均勻，雞髀位「漲卜卜」，外觀唔錯。
露絲祕製燒雞跟薯菜
0 瀏覽
0 讚好
0 留言
我用餐刀揭起隻雞髀發現有煙湧出嚟，即係話個雞殼仲好熱，如果唔將啲雞胸肉即時離骨，就會overcooked!😅我好快咁將個雞髀同雞翼切開，然後極速起晒啲雞胸同雞背肉。隻雞整得啱啱好，好容易就起晒啲肉！👍🏼👍🏼我仲用把刀喺啲骨罅中間撩埋啲碎肉出嚟。🤣🤣
我個人覺得如果一隻雞連雞胸都整得好okay,嗰隻雞就真係好食。今日第一時間試食一件胸肉，仲點咗跟餐嗰個醬汁，okay喎！跟住夾埋啲沙律菜一齊食仲「正」。當我食完個「雞肉沙律」，切咗少少髀試吓，再食多幾條薯條，已經飽晒。😂
我唔想做「大嘥鬼」於是將雞髀、雞翼同沙律菜「外帶」返屋企，諗住今晚拆肉整雞肉沙律。😂
上個月嚟食嘢已經見到佢哋有推介北海道牛乳布甸，今日有機會試吓。入口第一感覺：超滑，牛奶味好濃但係唔酥，重點：唔係好甜。😋😋連我呢個唔鍾意飲牛奶嘅人，都覺得唔錯，我估鍾意飲奶🥛🥛🥛嘅人一定會鍾意。
雖然我今朝早餐食得好少嘢，今餐果然都係我預計中：食唔晒！😂😂個餐$72布甸$12，合共$84，咁嘅份量同質素，實在抵食兼好食。$$😋😋😋😋
P.S. 其實已經坐𨋢落咗樓下，但係諗起個醬汁嘅味道好特別，有我最鍾意嘅芫荽，於是走返上去問吓嗰個係乜嘢汁，我初初聽到「亂但汁」，原來係「嫩彈汁」先至真，係佢哋秘製配佢哋德國嫩彈鹹豬手嘅汁。
張貼
