岩盤牛扒ミディアムレア ステーキ (Greenery Plaza ) (已結業)

一直覺得大埔有好多特色美食，今日就食下呢一間牛扒。由門口望入去已經見到位置唔算多，但門外有一個清晰嘅餐牌，第一步先選咩部位既牛，再選擇要幾多g，最少要由200g叫起，每g都根據餐牌上面列出嘅價錢去計算。第二部就係要選擇用咩調味料烹調，分別有洋蔥油，蒜油同蔥油。然後如果你要1 個set加28蚊就可以任選三項配料，例如有沙律汽水溫泉蛋等等。我就選擇300g後腰三角肉，牛板腱同可樂店員有溫馨提示扒三成熟放上鐵板會有五成熟，所以我地係叫三成熟。當自己拎餐既時候，見到塊扒真係哇左一聲！性價比好高呀😍😍份量好足，而且牛唔會太乾，鎖得住肉汁，最重要既係蒜油配合薄切既牛，牛味更加突出另外，提供左一個秘製醬汁，係另一個新鮮配搭，比較fresh。兩款牛比較之下，後腰三角肥瘦均勻，所以食起上嚟係比較淋身，牛板腱則比較硬身，所以可以按個人喜好去選擇食完牛再飲可樂，感覺一日嘅疲勞都消除晒，好爽呀