大澳德發 (已結業)

大澳去過幾次，但係大澳菜都係第一次食。大澳近海，大澳人鍾意食海鮮，仲會將魚曬乾做鹹魚。 今晚嚟到大澳德發，呢度交通非常方便，砲台山地鐵站一出嚟就已經見到。 餐廳坐得幾舒服，座位都算幾多，又有電視睇，可以慢慢歎。我們嗌咗海鮮為主的菜式，叫咗個卜卜蜆，古法果皮籠仔蒸龍躉，同欖菜肉鬆四季豆。卜卜蜆分量足料，蜆好新鮮，食完蜆仲可以加魚湯同飯做泡飯。四季豆炒得香口，送飯一流。好鍾意蒸龍躉，龍躉肉質滑嫩 ，上面有一些果皮絲，菇絲，底下鋪上滑豆腐索曬龍躉嘅精華，令滑豆腐都好好食!