大澳德發 (已結業)

今日忽發其想咁諗，中國有八大菜系，咁如果香港都分唔同菜系，又可以點分呢？不如分為元朗圍村盤菜系、火炭雞粥菜系、荃灣酸辣米線菜系、流浮山蠔系、深井燒鵝菜系......當然仲有大澳漁村菜系，M佬之後話呢啲只係菜式，唔係菜系囉。佢啱，但係咁多款菜式，相對少食，一定係大澳漁村風味，但想食唔一定要去大澳嘅，北角都有大澳德發啦。惹味卜卜蜆煲配駌鴦米泡飯大大盤嘅卜卜蜆，望上去至少50隻以上，調味唔多，主要靠蒜蓉、莞茜同蔥花帶出蜆嘅鮮甜味！蜆肉粒粒肥美飽滿，食落無沙。食完蜆，就可以加入魚湯、白飯同脆米，製作泡飯。不過提議大家，整泡飯前，可以將部份蒜蓉先拎走，咁就唔會太多蒜辣味喇。蒜蓉粉絲蒸龍蠆頭腩蒜蓉粉絲蒸咩都無得輸，而呢個龍蠆頭腩當然都係贏晒啦。龍蠆頭腩無細骨，食落啖啖肉，索晒蒜蓉嘅香味。而龍蠆當然係好新鮮超彈牙啦。老干媽雞煲老干媽嘅配料有洋蔥同蒜子，味道層次一流，雞肉爆炒得好入味又嫩滑，真係要添飯先得呀！