君鴻上海小館

營業中

休息中

放平日去昂平同大澳遊走，本想到大澳後掃街，但因為由昂平去大澳嗰程巴士要企，所以就改為揾間餐廳坐低食。去到大澳又好似無咩理由去茶記食。行行下見倒有間上海菜館選擇都幾多、價錢又唔貴就入去試下。餐牌上又真係有幾多選擇。諗咗一陣，決定叫紅燒獅子頭配飯、嫩雞煨麵同小籠包。飯餐送例湯，但獅子頭得一粒，而且size有啲細。食落有啲濃、味道算ok。例湯係合掌瓜㷛豬肉，瓜好甜，湯有味，唔太咸。煨麵就幾大碗、雞肉同菜都算多。麵嘅質地太糊、而且食落有好強烈嘅筍味，我本人唔太。小籠包出嚟都幾夠熱，皮係厚嘅，啱我。餡有肉汁，但唔夠鮮甜。埋單$169(已包兩位茶錢，每位$5)，唔使加一。