灜鐵板燒

營業中

休息中

一入到去就聞到好香嘅鐵板燒味，師傅烹調得十分認真，大火下仍能做到外焦內嫩，除大飽眼福外更加係真心佩服🙌🏻🍽辣汁魔鬼魚熱氣騰騰香氣撲鼻令人食指大動🤤濃郁香氣歷久不散，魚皮燒得焦香脆口。輕輕一拉就可以輕鬆咁將魚肉一絲絲咁撕開，魚肉滑身好軟熟。辣汁好香唔係死辣，辣度算係小辣，唔會太過刺激。🍽燒甘鯛連魚鱗一同烹煮，從而令其做到層層立起嘅效果😍魚鱗口感好得意，酥香可口，魚肉柔軟細滑。🍽黃金銀鱈魚鋪咗一層厚厚嘅鹹蛋黃，而唔係就咁薄薄嘅粉粒。臨享用前師傅仲燒咗一下表面，令鹹蛋黃更能滲入銀鱈魚肉身。魚肉厚實，完全冇雪藏味，鹹蛋黃嘅惹味衝擊過後係銀鱈魚嘅甘甜奶香😋