影片
更多
2010-09-22
8 瀏覽
上年來過一次, 都係一間板長,今次再來, 變成最差既一間板長...晚上8點幾, 奇怪門口冇人等位, 其實應該醒水...一入到去比門口order檯我地,就算唔計門口熱風陣陣, 盞射燈曬到同日頭冇分別, 慶住曬.不嬲都唔鍾意冇自助茶既吧檯, 今次冇計都要轉過去, 太熱...以為會涼d, 除左冇左門口風及盞射燈... 冇分別, 都係暖暖地咁.細望全店有好多把風扇, 瀨野啦... 應該真係壞冷氣喇! 又唔同人講!講左我去第2間啦!!見到佢地個酒精溫度計... 28度有多... crazy!一坐低就自動波叫野食, 畫完比waitress,上食物速度ok, keep住有野食咁,三文魚, 醋青魚, 鵝肝, 海膽, 蟹肉蟹膏, 雞軟骨, 都可以,蟹籽沙律-蟹柳同蟹籽好少...見menu有新鰻魚仲係$8件, 就叫左2件,另外叫多2客平日既海鰻$13件, 又係2件.上菜時4舊鰻魚一隻碟, 我問waitress, 佢check完一輪單,先話$13冇貨, 就同我落左做$8, 大佬, 鬼知$8好冇食咩, 焗我要...另一個男waiter推介海鮮鵝肝卷, $3x/6件, 冇相.咪試下囉, 頂... 冇飯, 炸紫菜
今次再來, 變成最差既一間板長...
晚上8點幾, 奇怪門口冇人等位, 其實應該醒水...
一入到去比門口order檯我地,
就算唔計門口熱風陣陣, 盞射燈曬到同日頭冇分別, 慶住曬.
不嬲都唔鍾意冇自助茶既吧檯, 今次冇計都要轉過去, 太熱...
以為會涼d, 除左冇左門口風及盞射燈... 冇分別, 都係暖暖地咁.
細望全店有好多把風扇, 瀨野啦... 應該真係壞冷氣喇! 又唔同人講!
講左我去第2間啦!!
見到佢地個酒精溫度計... 28度有多... crazy!
一坐低就自動波叫野食, 畫完比waitress,
上食物速度ok, keep住有野食咁,
三文魚, 醋青魚, 鵝肝, 海膽, 蟹肉蟹膏, 雞軟骨, 都可以,
蟹籽沙律-蟹柳同蟹籽好少...
見menu有新鰻魚仲係$8件, 就叫左2件,
另外叫多2客平日既海鰻$13件, 又係2件.
上菜時4舊鰻魚一隻碟, 我問waitress, 佢check完一輪單,
先話$13冇貨, 就同我落左做$8, 大佬, 鬼知$8好冇食咩, 焗我要...
另一個男waiter推介海鮮鵝肝卷, $3x/6件, 冇相.
咪試下囉, 頂... 冇飯, 炸紫菜卷, 好油, 好似食薯片咁感覺...
特大帆立貝冇貨唔出聲, 去到尾問先講.
唔知係咪熱, 汽水$5/罐.
埋單時$3xx, 奇喇, 雖然冇睇價錢叫野, 但好少食到咁貴~
望下張單, 多左2舊魚, 咪就係$13x2海鰻囉!
錯得好離譜! 收多我$30蚊喇! 好彩睇下姐!
食到一身汗, 忟!!
張貼