友米

營業中

休息中

太安樓出名外賣小店多，難得呢間外面有一兩個企位，就試一試。手打香水檸檬茶：依家大熱，好多地方都有賣，今次終於一試。比起一般茶餐廳檸檬茶，呢個用左青檸，而且幫客人打好晒，出晒檸汁，感覺更清新，香味比較特別，一係好鍾意，一係好唔鍾意，未必人人會接受。我like佢唔會好甜，但記得叫少冰，都偏多冰～雜雞米： 咖喱汁做湯底，有雞髀肉、魚蛋、墨魚丸、牛丸，叫完有少少後悔，似食雜丸米多d，如果麻麻地丸類，應該要叫返佢個招牌雞汁米。但雞件都普通，似冰鮮雞。反而鍾意佢個米粉，好掛湯汁，而且份量都多，夠飽。呢個價錢黎講，我都覺得好滿足。