巷仔內

營業中

休息中

見到有幾枱都叫咗🤍手撕巨無霸炸全雞，即跟！等咗半個鐘，獲得一隻熱辣辣、炸得皮脆肉嫩嘅金黃炸雞。雞翼同雞髀係最最嫩滑嘅部份，撕開仲有油脂滴出，雞皮調味到位。呢個份量足夠3-4個人分享。要留意番平日下午2:30 後先有炸全雞供應；星期六日就全日都可以叫。台灣名物🤍半筋半肉牛肉麵，湯頭超濃郁，牛肉同牛筋煮得軟腍入味。好想好想食滷到入曬味嘅軟淋白蘿蔔，最後貪心叫咗🤍滷味拼盤，仲有牛筋、豬耳、雞翼，滿足曬！值得一讚嘅係呢度下午4時至晚上9時都免費提供無限暢飲冬瓜茶、凍綠茶同埋冰水，呢度嘅冬瓜茶清涼透心，唔會過甜，同炸雞簡直係絕配。