影片
更多
2024-11-03
4251 瀏覽
放工等朋友食晚飯，經開近排熱話嘅日本過江龍冬甩店Mister Donut，見未夠鐘開飯，就排隊買嚟試下～6pm去到，店員通知有可能排到去已經售罄，買唔買到要睇運氣😣抱住賭仔心態決定搏一搏，估唔到排咗陣大概6:15pm仲截埋龍😇最後排咗接近一個鐘，款式已經所剩冇幾🥲冇乜款揀嘅情況下試咗以下三款：🔸黃金蜜糖波堤🔸不愧係招牌系列，口感Q彈煙韌，麵團小麥味濃，相對較甜但好好食～🔸法式粉紅吉士扭紋🔸草莓味外層酸酸甜甜，甜度適中，入面吉士比想像中少，有d失望～🔸天使奶油冬甩🔸奶油香滑，可惜唔係整個冬甩都有滿滿嘅奶油，有三分一係淨食冬甩包，就相對普通～波堤系列係推薦一試既，但係新屎坑排隊熱潮效應，排到出商場後樓梯，又熱又焗😅花咁多時間為食個冬甩，專登排隊真係不了🙈想試嘅朋友建議等熱潮過d先嚟買😉
6pm去到，店員通知有可能排到去已經售罄，買唔買到要睇運氣😣抱住賭仔心態決定搏一搏，估唔到排咗陣大概6:15pm仲截埋龍😇
最後排咗接近一個鐘，款式已經所剩冇幾🥲冇乜款揀嘅情況下試咗以下三款：
🔸黃金蜜糖波堤🔸
不愧係招牌系列，口感Q彈煙韌，麵團小麥味濃，相對較甜但好好食～
🔸法式粉紅吉士扭紋🔸
草莓味外層酸酸甜甜，甜度適中，入面吉士比想像中少，有d失望～
🔸天使奶油冬甩🔸
奶油香滑，可惜唔係整個冬甩都有滿滿嘅奶油，有三分一係淨食冬甩包，就相對普通～
波堤系列係推薦一試既，但係新屎坑排隊熱潮效應，排到出商場後樓梯，又熱又焗😅花咁多時間為食個冬甩，專登排隊真係不了🙈想試嘅朋友建議等熱潮過d先嚟買😉
張貼
