Fifty Fifty

營業中

休息中

地址－fiftyfifty.hk將軍澳新都城中心二期UNY生活創庫20號店近排新都城二期開左間UNY，好似其他日式超市咁，裡面有唔少特色舖頭進駐，咁呢間就係好多舖頭中比較吸引到我地，平時都好多人排隊，咁岩有日食完飯後有少少口痕，想食下甜品，咁岩又唔使排隊，所以就每人一件買回家食。💋柚子蜂蜜牛角包窩夫，呢度窩夫係一個開放式廚房製作，即叫即做，首先佢造型都幾特別，有支雪條棍係中間，可以拎住黎食，幾方便下，佢咬落都幾脆身，柚子味甜甜地咁，加埋蜂蜜甜得黎都唔會話太膩，呢個都值得推介。💋奧利奧焦糖脆餅牛角包窩夫，佢呢個造型比我感覺一定卜卜脆，食落果然係咁，口感鬆脆，但要小心的係未必好有儀態咁食，事關我一路食，一路跌左唔少碎片，但味道唔錯，唔會話太甜，佢中間層CREAM好正，下次睇下可唔可以叫多CREAM，嘻。