聰嫂星級甜品 (已結業)

買咗戲飛未夠鐘入場，於是行過後面街，探下聰嫂。話明大牌甜品，客人幾乎全營業時間段都係客滿，好彩今日唔洗點等位。不！過！侍應為咗拼張四人檯，攞咗order都要我哋轉檯，仲要轉去廁所門口，有職員或者食客出出入入，d異味難免會飄出來。眞係影響曬食慾！例牌必點1: 芒果香甜；雙皮奶ok滑，配搭埋口感似沙冰嘅芒果奶昔，甜而不膩，正！例牌必點2: 街知巷聞嘅龍眼冰 😋 清、香、冰爽。唔洗擔心椰果會有藥水味。龍眼冰夾有龍眼肉。環境擠迫、被安排坐廁所門口，服務差，如果唔係人在港島又想食lee兩款甜品，我眞係唔會入來幫襯。