影片
更多
2017-10-29
534 瀏覽
今日係重陽節，祭祖前我地去燒味舖買燒肉，咁啱見到有師傅喺度燒緊乳豬，聞到好香嘅燒烤肉香，口水都流埋。老豆話「望乜啫，咁想食，今晚帶你去『豬兜』食乳豬啦」。Thanks for your 爛gag...老豆以前喺港島區返工，佢講嘅『豬兜』即係兜記即燒乳豬專門店，不過佢out咗啦，上網check返，兜記改左名做勝記啦，不過依然有即燒乳豬食。酒家入面有個小型「水族館」，入面啲水都幾清澈，周圍亦都乾淨企理，海鮮可以放心食用，亦某程度反映酒家管理衛生程度係OK嘅。另外亦有個恒溫紅酒櫃，可以幫客人KEEP起啲酒。懷舊醬烤豬 - 酒家做緊大特價乳豬，出面酒樓食乳豬平極全隻最少都要六百幾蚊，呢度全隻只不過係$368咋，一坐低唔駛點諗就叫左半隻$198。乳豬肉排列到好似一隻真乳豬咁，有腳仔架。(好對唔住呀豬BB)食乳豬除左肉質之外仲要睇埋師傅燒乳豬嘅水準，見到乳豬皮色澤均勻，即係火候控制得非常好。乳豬皮皮脆鬆化，肉質嫩滑，肉汁豐富，最重要係中間嘅脂肪厚薄適中，唔會過肥，啱晒我老豆呢啲要控制吓飲食(而又想乜都食)嘅人仕。我就鍾意原汁原味，老豆就鍾意點甜醬，話咁先夠正宗。《乾隆醉雞(小)》$58 - 醉雞係
酒家入面有個小型「水族館」，入面啲水都幾清澈，周圍亦都乾淨企理，海鮮可以放心食用，亦某程度反映酒家管理衛生程度係OK嘅。
另外亦有個恒溫紅酒櫃，可以幫客人KEEP起啲酒。
懷舊醬烤豬 - 酒家做緊大特價乳豬，出面酒樓食乳豬平極全隻最少都要六百幾蚊，呢度全隻只不過係$368咋，一坐低唔駛點諗就叫左半隻$198。
乳豬肉排列到好似一隻真乳豬咁，有腳仔架。(好對唔住呀豬BB)食乳豬除左肉質之外仲要睇埋師傅燒乳豬嘅水準，見到乳豬皮色澤均勻，即係火候控制得非常好。
乳豬皮皮脆鬆化，肉質嫩滑，肉汁豐富，最重要係中間嘅脂肪厚薄適中，唔會過肥，啱晒我老豆呢啲要控制吓飲食(而又想乜都食)嘅人仕。
我就鍾意原汁原味，老豆就鍾意點甜醬，話咁先夠正宗。
《乾隆醉雞(小)》$58 - 醉雞係我至愛，係我去到任何餐廳見到餐牌有都一定會叫嘅程度。
呢道醉雞嘅酒帶藥材味，味道亦掌握得幾好：雞嘅肉味、酒味同藥材味均勻，藥材味同酒配合令咀嚼嗰陣有啲回甘。雞肉本身亦都肉質鮮嫩再帶點油脂，所以食落都幾香滑。我對醉雞要求都幾高，呢度有中上水準。
《川椒蝦球》$168 - 「川椒系列」又係另一道我去到任何餐廳見到餐牌有都一定會叫嘅菜，因為有我鍾意食珍珠菜葉，我細細個嗰陣係偏食唔食菜，但珍珠菜葉係我嗰陣唯一會食嘅蔬菜，全因為珍珠菜葉會係炸到香脆，入口似薯片多過似菜。
呢道菜嘅珍珠菜葉都算多，啱晒我，兩老知我鍾意食，留咗大部份葉俾我食，作為回禮我都俾佢地食多隻蝦啦~
蝦肉鮮爽，而且炒得夠惹味，當中仲帶有輕微嘅麻辣刺激一下舌頭，我地好快就掃清。
《干炒牛河》$88 - 好大碟嘅干炒牛河，炒得好香，稍為坐遠咗啲都聞到。牛肉軟腍嫩滑，亦都唔會過於油膩。出面茶仔都$50-60蚊一碟，而且只係一人份量，呢碟至少兩倍份量，性價比都幾高。
整體嚟講食物水準不錯。最後想提一提服務方面 - 酒家人手不足，我地去到嗰陣大約係8成入坐率，但侍應們已經忙到手忙腳亂，有時叫左沖茶執碟都因忙緊其他事轉頭就唔記得咗。不過侍應雖然好忙但都算幾有禮貌，態度亦相當客氣，明白你地已經盡左力，可以加返啲分。
張貼
