Street Meat (已結業)

Happy Friday當然要同好朋友出去chill out，今晚我哋嘅聚腳點係呢度，聽講呢度嘅設計係跟足紐約地鐵站，入面一牆一磚都一模一樣，對於從未踏足美國嘅兩名小女子嚟講，一行入嚟就好似飛咗去紐約咁，好神奇，令到我哋心情即刻high起上黎！店舖類似街頭小食店，有十幾個設於吧枱嘅位置。首先一人點咗杯嘢飲，店員向我推介Bartender Special Drink (Strawberry)，唔……飲落甜中帶微酸，好易入口，好啱女仔飲；我fd就叫左杯Juniper Sling，我試飲左一啖，係果味濃濃嘅雞尾酒，用貴婦high tea嘅杯同碟盛載，玩味十足~食物方面叫左Chelsea Market Lobster Roll，睇落好似有兩隻龍蝦熱狗放喺面前咁，面頭鋪滿龍蝦肉，入口啖啖肉好鮮甜，加埋好夾嘅蛋黃醬，口感更豐富~仲有Prince Street Station Sliders，佢個combination都相當特別，香脆多士入面夾住香煎澳洲和牛舌，牛舌味濃、口感軟腍，混合埋韓式辣醬同鵝肝醬，味道層次多變。