一芳台灣水果茶 (南昌 V Walk) (已結業)

去新商場行到攰，見到依間一芳都幾大下，竟然有埋座位！有兩張高枱又有梳化，環境都幾舒服！唔算太多人，等2個人就買到，行到攰攰地可以入去買杯野坐下，當抖抖都唔錯！一直都好鐘意飲大甲芋頭鮮奶！芋頭夠晒多！都有成3分1杯芋泥！每啖都飲到！而且整得好綿！好香滑！鮮奶味又夠！我飲半糖覺得甜到啱啱好！朋友叫咗黑糖粉圓鮮奶！兩個都係鮮奶控！不過佢就飲得甜啲，半杯都係黑糖珍珠！夠晒黑糖味！珍珠又夠咬口！行到攰入黎坐下抖完再行過！